ماجىلىستە دەنساۋلىق ساقتاۋ مينيسترلىگى حالىقتىڭ دەنساۋلىعى مەن دەنساۋلىق ساقتاۋ جۇيەسىنە قاتىستى زاڭ جوبالارىنىڭ تانىستىرىلىمىن وتكىزدى. وتىرىسقا پالاتانىڭ الەۋمەتتىك-ءمادەني دامۋ كوميتەتىنىڭ ءتورايىمى داريعا نازارباەۆا قاتىستى, دەپ حابارلادى وسى پالاتانىڭ ءباسپاسوز قىزمەتى.
ماجىلىستە دەنساۋلىق ساقتاۋ مينيسترلىگى حالىقتىڭ دەنساۋلىعى مەن دەنساۋلىق ساقتاۋ جۇيەسىنە قاتىستى زاڭ جوبالارىنىڭ تانىستىرىلىمىن وتكىزدى. وتىرىسقا پالاتانىڭ الەۋمەتتىك-ءمادەني دامۋ كوميتەتىنىڭ ءتورايىمى داريعا نازارباەۆا قاتىستى, دەپ حابارلادى وسى پالاتانىڭ ءباسپاسوز قىزمەتى.
زاڭ جوباسىمەن پارلامەنتشىلەردى مينيسترلىكتىڭ جاۋاپتى حاتشىسى سەرىكبول مۋسينوۆ تانىستىردى. زاڭ جوباسىن ازىرلەۋگە پارلامەنت دەپۋتاتتارى, مەملەكەتتىك ورگاندار, «نۇر وتان» حدپ مەن «اتامەكەن» ۇەپ وكىلدەرى بەلسەنە قاتىستى.
جوبانىڭ نەگىزگى ەرەجەلەرى: دەنساۋلىق ساقتاۋ سالاسىنداعى مەملەكەتتىك رەتتەۋ مەن باسقارۋدى جەتىلدىرۋگە; حالىق دەنساۋلىعىن نىعايتۋعا, سالاماتتى ءومىر سالتىن جۇرگىزۋگە; دەنساۋلىق ساقتاۋدىڭ كادرلىق رەسۋرستارىنىڭ الەۋەتىن ارتتىرۋعا; ءدارى-دارمەك ساياساتىن جەتىلدىرۋگە باعىتتالعان.
زاڭ جوباسىنىڭ نەگىزگى ماقساتى مەديتسينالىق كومەكتىڭ ساپاسى مەن قولجەتىمدىلىگىن ارتتىرۋ, قولدانىستاعى زاڭنامانىڭ ولقىلىقتارىن جويۋ جانە حالىقارالىق ستاندارتتارعا سايكەس كەلتىرۋ بولىپ تابىلادى.
زاڭ جوباسى بويىنشا جۇمىس توبىنىڭ جەتەكشىلىگىنە ن.پەتۋحوۆا بەكىدى. ەندى دەپۋتاتتار اتالعان زاڭ جوباسىن جۇمىس توبىندا تالقىلايتىن بولادى.
