كەشە پرەمەر-ءمينيستردىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆتىڭ باسشىلىعىمەن الەۋمەتتىك ارىپتەستىك, الەۋمەتتىك جانە ەڭبەك قاتىناستارىن رەتتەۋ جونىندەگى رەسپۋبليكالىق ۇشجاقتى كوميسسيا وتىرىسى ءوتتى.
كەشە پرەمەر-ءمينيستردىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆتىڭ باسشىلىعىمەن الەۋمەتتىك ارىپتەستىك, الەۋمەتتىك جانە ەڭبەك قاتىناستارىن رەتتەۋ جونىندەگى رەسپۋبليكالىق ۇشجاقتى كوميسسيا وتىرىسى ءوتتى.
كوميسسيا جۇمىسىنا ەڭبەك جانە الەۋمەتتىك قورعاۋ ءمينيسترى تامارا دۇيسەنوۆا, قازاقستان كاسىپوداقتارى فەدەراتسياسىنىڭ باسشىلارى, ۇلتتىق كاسىپكەرلەر پالاتاسىنىڭ, رەسپۋبليكالىق تاۋ-كەن ءوندىرۋشى جانە تاۋ-كەن مەتاللۋرگيا كاسىپورىندارى قاۋىمداستىعىنىڭ وكىلدەرى جانە باسقالار قاتىستى.
تالقىلاۋ بارىسىندا «كاسىپتىك وداقتار تۋرالى» زاڭنىڭ جوباسى, جۇمىس بەرۋشىلەردىڭ ەرىكتى دەكلاراتسيالاۋ تاجىريبەسىن ەنگىزۋدە ولاردىڭ قىزمەتتەرىنىڭ ەڭبەك زاڭناماسىنىڭ تالاپتارىنا سايكەس كەلۋى بويىنشا ۇسىنىستار, سونىمەن قاتار, 2012-2014 جىلدارعا ارنالعان باس كەلىسىمگە ۇكىمەت, رەسپۋبليكالىق جۇمىسكەرلەر جانە جۇمىس بەرۋشىلەر بىرلەستىكتەرى اراسىنداعى تولىقتىرۋلار قاراستىرىلدى.
باقىتجان ساعىنتاەۆ مەملەكەت باسشىسىنىڭ تاپسىرماسىمەن ازىرلەنگەن «كاسىپتىك وداقتار تۋرالى» زاڭ جوباسى قازاقستانداعى كاسىپوداقتاردىڭ قىزمەتتەرىن جاقسارتۋعا باعىتتالعانىن اتاپ كورسەتتى. كاسىپوداق تۋرالى جاڭا زاڭ كاسىپوداق قوزعالىسىنىڭ تىك مودەلىن قۇرۋ ءۇشىن قۇقىقتىق نەگىز قالايدى جانە كاسىپوداق مۇشەلەرىن الەۋمەتتىك ارىپتەستىكتىڭ بارلىق دەڭگەيىندە ىنتالاندىرۋدى كۇشەيتەدى دەپ سانايمىز, دەدى ءبىرىنشى ۆيتسە-پرەمەر.
كوميسسيا جۇمىس بەرۋشىلەردىڭ قىزمەتىن ەرىكتى دەكلاراتسيالاۋدى ەڭبەك زاڭناماسىنىڭ تالاپتارىنا سايكەس سەنىم سەرتيفيكاتى نەگىزىندە ەنگىزۋدى قولدايدى. ەڭبەك جانە الەۋمەتتىك قورعاۋ ءمينيسترى تامارا دۇيسەنوۆانىڭ ايتۋىنشا, بۇل تەكسەرۋلەردىڭ سانىن ازايتۋعا, سونىمەن قاتار, ەرىكتى جۇمىس بەرۋشىلەردىڭ ءيميدجىن كوتەرۋگە مۇمكىندىك بەرەدى.
وتىرىس قورىتىندىسى بويىنشا ۇكىمەت, رەسپۋبليكالىق جۇمىسكەرلەر جانە جۇمىس بەرۋشىلەر بىرلەستىكتەرى اراسىندا باس كەلىسىمگە وزگەرتۋلەر ەنگىزىلدى. وندا سالالىق جانە وڭىرلىك كەلىسىمدەر مەن ۇجىمدىق كەلىسىمشارتتاردا جۇمىسقا ورنالاستىرۋ, جۇمىس ورىندارىن ساقتاپ قالۋ, 50 جاستان اسقان ادامدارعا لايىقتى ەڭبەك جاعدايلارىن جاساۋ جانە ولاردىڭ بىلىكتىلىگىن جانە ۇتقىرلىعىن ارتتىرۋ جونىندە باعدارلامالاردى قابىلداۋ بويىنشا ەرەجەلەردى بەكىتۋگە باعىتتالعان شارالار قاراستىرىلعان.
«ەگەمەن-اقپارات».
