باسقارما باسشىسىنىڭ ايتۋىنشا, بيىل «اۋىل – ەل بەسىگى» جوباسى اۋىل تۇرعىندارىنىڭ ءومىر ءسۇرۋ ساپاسىن جاقسارتۋعا, اۋىلداعى الەۋمەتتىك ورتانى جاڭعىرتۋعا باعىتتالعان.
- 2020 جىلى 13 اۋىلدا 63 جوبا جۇزەگە اسىرىلادى. بۇل جوبالار وباعان, دەنيسوۆ, قامىستى, تورعاي, امانگەلدى, قارامەندى, ۇزىنكول سياقتى 7 اۋدان ورتالىعىن قامتيدى. بۇعان مەڭدىقارا اۋدانىنىڭ پەرۆوماي, قوستاناي اۋدانىنىڭ وكتيابر جانە شەمينوۆ, التىنسارين اۋدانىنىڭ سيلانتەۆ, دەنيسوۆ اۋدانىنىڭ انتونوۆ, بەيىمبەت مايلين اۋدانىنىڭ توبىل اۋىلدارى دا كىرىپ وتىر. اتالعان اۋىلدارداعى تۇرعىنداردىڭ جالپى سانى - 47,6 مىڭ ادام, دەدى مۇساعازينا.
سونىمەن قاتار 2 ملرد 38 ملن تەڭگە قارجىعا قۇرىلىس جانە قايتا قالپىنا كەلتىرۋ جۇمىستارى بويىنشا 6 جوبا جوسپارلانعان. بيىل التىنسارين جانە قامىستى اۋداندارىندا ەكى ستاديون قالپىنا كەلتىرىلەدى. قارامەڭدى اۋىلىندا ەكى ورتالىق قازاندىق, دەنيسوۆ اۋىلىندا بالاباقشا سالىنادى. ال تورعاي جانە ۇزىنكول اۋىلدارىندا ەكى سپورتتىق-ساۋىقتىرۋ ورتالىعىنىڭ قۇرىلىسى باستالادى.
گۇلبارام مۇساعازينا ءوز بايانداماسىندا قۇنى 1 ملرد 759 ملن تەڭگە بولاتىن 7 جوبا بويىنشا كۇردەلى جوندەۋ جۇرگىزۋ جۇمىستارى جوسپارلانعانىن اتاپ ءوتتى. ايتۋىنشا, قامىستى جانە تورعاي اۋىلدارىندا اۋداندىق اۋرۋحانالار, بەيىمبەت مايلين اۋدانىنا قاراستى توبىل كەنتىندە دارىگەرلىك امبۋلاتوريا كۇردەلى جوندەۋدەن وتەدى. سونداي-اق امانگەلدى اۋىلىندا ا. بورانباەۆ اتىنداعى ورتا مەكتەپ, قوستاناي اۋدانىنىڭ وكتيابر جانە مەڭدىقارا اۋدانىنىڭ پەرۆوماي اۋىلدارىنداعى ورتا مەكتەپتەر, دەنيسوۆ اۋىلىنداعى مادەنيەت ءۇيىنىڭ عيماراتى كۇردەلى جوندەۋدەن وتەدى.
باسقارما باسشىسى اۋىل ىشىندەگى جولداردى ورتاشا جوندەۋگە باعىتتالعان 50 جوبا جۇزەگە اسىرىلاتىنىن ايتتى.
قوستاناي وبلىسى
