27 جاستاعى تورتكۇل دۇنيەدەگى تەڭدەسسىز تەڭبىل دوپ شەبەرلەرىنىڭ ءبىرى COVID-19 ىندەتىنە قارسى كۇرەسكە ءوز ۇلەسىن قوسۋ ماقساتىندا مىسىر ەلىنە 1 مىڭ توننا ازىق-ت ۇلىك پەن تاماق جونەلتتى. وسىنىڭ الدىندا عانا ول ەگيپەتتەگى اۋرۋحانالارعا قارجىلاي كومەك كورسەتكەن بولاتىن.
دۇنيەجۇزىلىك دەنساۋلىق ساقتاۋ ۇيىمى قازىرگى كەزدە اتالمىش مەملەكەتتە 3 000-عا جۋىق ادامنىڭ كوروناۆيرۋس دەرتىنە شالدىققانى جونىندە مالىمەت تاراتىپ وتىر. ولاردىڭ 205-ءى قايتىس بولسا, 646-سى ايىعىپ شىققان.
جالپى مۇحاممەد سالاح ءوز وتانداستارىنا قامقور قولىن سوزۋدان ەشۋاقىتتا تارتىنعان ەمەس. ءوز وتانىندا ول سپورت كەشەندەرى مەن فۋتبول الاڭدارىن, مەكتەپتەر پەن اۋرۋحانالار سالدى. كەدەيشىلىكتىڭ قامىتىن كيگەن بالالاردىڭ ومىردەگى ءوز جولدارىن تابۋعا مۇحاممەد ۇنەمى جاردەمدەسىپ ءجۇر.
وسى ورايدا مىنا ءبىر جايتقا توقتالماي كەتۋگە بولمايدى: 2017 جىلى ەگيپەت ۇكىمەتى وزدەرىنىڭ ۇلتتىق ۆاليۋتاسىن قۇنسىزدانۋدان ساقتاپ قالۋ ءۇشىن الەمنىڭ ءار قيىرىندا جۇرگەن باي-قۋاتتى ازاماتتاردان مول كولەمدە قاراجات سۇراۋعا ءماجبۇر بولدى. ايتۋلى تەڭبىل دوپ شەبەرى بۇل ۇسىنىستى ەڭ ءبىرىنشى بولىپ قولدادى. ءمارت مۇحاممەد ارادا ءبىر اپتا وتپەي جاتىپ, ارنايى ەسەپشوتقا 210 مىڭ بريتان فۋنتتى كولەمىندە قارجى اۋداردى.
