جاقىندا ويىلدىقتار قوس بىردەي قۋانىشقا كەنەلدى. بۇل اۋداندا ەكى جاڭا مەكتەپتىڭ اشىلۋىنا بايلانىستى بولدى. اقشاتاۋ اۋىلىندا پايدالانۋعا بەرىلگەن جاڭا مەكتەپتىڭ اشىلۋ سالتاناتىنا اۋىلدىقتار تايلى-تۇياعى قالماي جينالدى دەسە دە بولعانداي. مۇنىڭ سەبەبى دە بار. اۋداندىق ءبىلىم ءبولىمىنىڭ باسشىسى سايان سۇلەيمەنوۆتىڭ ايتۋىنشا, اقشاتاۋلىق بالالار بۇعان دەيىن اپاتتى جاعدايداعى 9 جىلدىق مەكتەپتە وقىپ كەلىپتى. ەندى, مىنە, كەڭ دە جارىق جاڭا مەكتەپ پايدالانۋعا بەرىلىپ,10-سىنىپ اشىلىپ, ءبىلىم ۇياسى ورتا مەكتەپ مارتەبەسىنە يە بولىپ وتىر. جاڭا مەكتەپتىڭ قۇرىلىسىمەن «بوبەك قۇرىلىس» جاۋاپكەرشىلىگى شەكتەۋلى سەرىكتەستىگى اينالىسقان.
جاقىندا ويىلدىقتار قوس بىردەي قۋانىشقا كەنەلدى. بۇل اۋداندا ەكى جاڭا مەكتەپتىڭ اشىلۋىنا بايلانىستى بولدى. اقشاتاۋ اۋىلىندا پايدالانۋعا بەرىلگەن جاڭا مەكتەپتىڭ اشىلۋ سالتاناتىنا اۋىلدىقتار تايلى-تۇياعى قالماي جينالدى دەسە دە بولعانداي. مۇنىڭ سەبەبى دە بار. اۋداندىق ءبىلىم ءبولىمىنىڭ باسشىسى سايان سۇلەيمەنوۆتىڭ ايتۋىنشا, اقشاتاۋلىق بالالار بۇعان دەيىن اپاتتى جاعدايداعى 9 جىلدىق مەكتەپتە وقىپ كەلىپتى. ەندى, مىنە, كەڭ دە جارىق جاڭا مەكتەپ پايدالانۋعا بەرىلىپ,10-سىنىپ اشىلىپ, ءبىلىم ۇياسى ورتا مەكتەپ مارتەبەسىنە يە بولىپ وتىر. جاڭا مەكتەپتىڭ قۇرىلىسىمەن «بوبەك قۇرىلىس» جاۋاپكەرشىلىگى شەكتەۋلى سەرىكتەستىگى اينالىسقان.
جاڭا مەكتەپتىڭ اشىلۋ سالتاناتىنا وبلىستان ارنايى كەلگەن وسى ءوڭىردىڭ تۋماسى, ارداگەر دارىگەر تۇرار شەريازدانوۆ «كوركەيە بەر, تۋعان جەر» اكتسياسى اياسىندا مەكتەپكە كومپيۋتەر سىيلادى.
قۇمجارعان اۋىلىنداعى سوركول ورتا مەكتەبىنىڭ اشىلۋ سالتاناتىندا ءسوز العان وبلىس اكىمىنىڭ ورىنباسارى سارا نۇرقاتوۆا: – اۋىلدارىڭىزدا ساۋلەتتى دە ەڭسەلى ءبىلىم ۇياسى بوي كوتەردى. جاڭا مەكتەپ قۇتتى بولسىن! اقتوبە وبلىسىندا سوڭعى ون جىلدا 51 جاڭا مەكتەپ سالىندى. 43 اپاتتى جاعدايداعى ءبىلىم عيماراتتارى كۇردەلى جوندەۋدەن وتكىزىلدى. ال ويىل اۋدانىندا وتكەن جىلى 4 مەكتەپ اشىلسا, بيىل ەكى ءبىردەي ءبىلىم شاڭىراعى بوي كوتەرىپ وتىر. ەندىگى ماقسات – وقۋشىلاردىڭ ساپالى ءبىلىم الۋىنا قول جەتكىزۋ بولماق – دەدى.
جاڭا مەكتەپتىڭ لەنتاسى قيىلعاننان كەيىن, اجەلەر شاشۋ شاشتى. قوناقتار جاڭا مەكتەپتى ارالاپ كوردى. مەكتەپ عيماراتىنىڭ قۇرىلىسىنا 170 ميلليون تەڭگە جۇمسالعان.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
