كۇرەس وليمپيادادا قالدى. ارگەنتينانىڭ بۋەنوس-ايرەس قالاسىندا وتكەن حالىقارالىق وليمپيادا كوميتەتىنىڭ كەزەكتى سەسسياسىندا كۇرەس تۇرلەرىن وليمپيادا باعدارلاماسىندا قالدىرۋ تۋرالى شەشىم قابىلداندى.
• كۇرەس وليمپيادادا قالدى. ارگەنتينانىڭ بۋەنوس-ايرەس قالاسىندا وتكەن حالىقارالىق وليمپيادا كوميتەتىنىڭ كەزەكتى سەسسياسىندا كۇرەس تۇرلەرىن وليمپيادا باعدارلاماسىندا قالدىرۋ تۋرالى شەشىم قابىلداندى.
8 قىركۇيەك كۇنى وتكەن داۋىس بەرۋ كەزىندە حوك 49 مۇشەسى كۇرەستى, 24 مۇشەسى بەيسبولدى, 22 مۇشەسى سكۆوشتى جاقتاپ داۋىس بەردى.
• «بارىستىڭ» بابى جاقسى. قۇرلىقتىق حوككەي ليگاسىنىڭ جاڭا ماۋسىمى باستالدى. استانانىڭ «بارىس» كومانداسى العاشقى ويىنىن ءوز الاڭىندا چەرەپوۆەتستىڭ «سەۆەرستال» كلۋبىمەن وتكىزىپ, 10:1 ەسەبىمەن ۇتتى.
ال جوعارى حوككەي ليگاسىندا جاڭا ماۋسىمىن باستاعان قاراعاندىنىڭ «سارىارقا» كلۋبى, وكىنىشكە قاراي, نەفتەكامسكىدە «توروس» كومانداسىنان 3:4 ەسەبىمەن جەڭىلىپ قالدى.
• رەگبيدەن قازاقستاننىڭ ايەلدەر قۇراماسى الماتىدا وتكەن ازيا چەمپيوناتىندا جەڭىسكە جەتىپ, كەلەر جىلى فرانتسيادا وتەتىن الەم چەمپيوناتىنا جولداما الدى.
قازاقستان مەن جاپونيا اراسىندا وتكەن فينالدا ءبىزدىڭ قۇراما 25:23 ەسەبىمەن جەڭىسكە جەتتى. قولا جۇلدەنى سينگاپۋر جەڭىپ الدى.
• استانادا – كوكپاردان ازيا چەمپيوناتى. 10-15 قىركۇيەك كۇندەرى قالانىڭ «قازانات» اتشابارىندا ەلىمىزدە كوكپاردان تۇڭعىش رەت ءى-اشىق ازيا چەمپيوناتى وتەدى.
وعان ءبىزدىڭ ەلدەن باسقا رەسەي, وزبەكستان, قىرعىزستان, تۇركيا, تاجىكستان, اۋعانستان, قىتاي, موڭعوليا ەلدەرىنىڭ سپورتشىلارى قاتىسادى.
• جاسوسپىرىمدەر جاقسى باستادى. جەكسەنبى كۇنى ۋكراينا استاناسى كيەۆ قالاسىندا بوكستان جاسوسپىرىمدەر اراسىنداعى الەم چەمپيوناتى باستالادى.
وندا 46 كگ. سالماق دارەجەسىندە ءالىمجان بەسكەمپىر, سابىرجان ءابىلوۆ (54 كگ), جۇماگەلدى راەۆ (75 كگ.) العاشقى جەكپە-جەكتەرىندە جەڭىسكە جەتتى.
• سپورتتا ۆۋدستان اسقان باي جوق. جاقىندا «Forbes» جۋرنالى الەمنىڭ ەڭ باي سپورتشىلارىنىڭ ءتىزىمىن جاريالادى.
الەمدەگى ەڭ باي سپورتشىلاردىڭ ءتىزىمىن اقش گولفشىسى تايگەر ۆۋدس باستاپ تۇر. ونىڭ جىلدىق تابىسى – 78,1 ملن. اقش دوللارى. ەكىنشى ورىندا شۆەيتساريالىق تەننيسشى رودجەر فەدەرەر. ونىڭ تابىسى – 71, 5 ملن. دوللار. امەريكالىق باسكەتبولشى كوبي برايانت 61,9 ملن. دوللارمەن ءۇشىنشى ورىندا تۇر.
• كليچكو بوكستان كەتەمىن دەپ جاتىر. بوكستان WBC تۇجىرىمى بويىنشا اسا اۋىر سالماقتاعى الەم چەمپيونى ۆيتالي كليچكو 2014 جىلى سپورتتان كەتۋى مۇمكىن ەكەنىن مالىمدەدى.
اعايىندى كليچكولاردىڭ K2 Promotions پروموۋتەرلىك كومپانياسىنىڭ وكىلى توم لەففلەردىڭ ايتۋىنشا, ۆيتالي كليچكو ەندى ءبىر عانا كەزدەسۋ وتكىزۋى مۇمكىن. ول چەمپيوندىق اتاققا ۇمىتكەر كانادالىق بەرمەين ستيۆەرنمەن قولعاپ تۇيىستىرەدى.
• فلايبورلينگ - جاڭا سپورت ءتۇرى. الەمدە وسىنداي اتپەن سپورتتىڭ جاڭا ءتۇرى پايدا بولدى.
ازىرگە بۇل سپورتپەن 30 جاستاعى ۇلىبريتانيا ازاماتى عانا اينالىسادى. ول رەاكتيۆتى اسكەري قاپشىق كيىپ, سۋ ايدىنىنان 9 مەترگە دەيىن كوتەرىلەدى. سۋ وتكىزبەيتىن ارنايى زىمىران جاكەتتىڭ قۇنى 15 مىڭ فۋنت ستەرلينگ تۇرادى.
• بۇرىن-سوڭدى بولماعان رەكورد. گوللانديانىڭ روتتەردام قالاسىندا كايل ەسىمدى باسكەتبولدىڭ اۋەسقوي ويىنشىسىنىڭ 98 مەتر بيىكتىكتەن لاقتىرعان دوبى سەبەتكە ءدال ءتۇستى.
الەمدىك رەكوردتى جاڭارتۋ ءۇشىن ول روتتەردامنىڭ ايگىلى «ەۋروماست» مۇناراسىنا شىققان. ال سەبەت مۇنارانىڭ ءدال استىنا ورناتىلعان. باسكەتبولشى دوپتى تورعا ءدال ءتۇسىردى.
«ەگەمەن-اقپارات».
