«Adal kómek» جوباسىن تانىمال ادۆوكات, ۇلتتىق قوعامدىق سەنىم كەڭەسىنىڭ مۇشەسى, ادام قۇقىقتارى جونىندەگى ساراپشى ايمان وماروۆا باسقارادى. سىبايلاس جەمقورلىققا قارسى ءىس-قيمىل اگەنتتىگى اتالعان جوبانىڭ كەڭ اۋقىمدا جۇمىس ىستەۋى ءۇشىن بىلىكتى ادۆوكاتتاردى, ەلدىڭ جەتەكشى زاڭگەرلەرى مەن قۇقىقتانۋشىلارىن تارتىپ جاتىر.
جوبا ارقىلى كەز كەلگەن ازامات ونلاين رەجيمدە الەۋمەتتىك وقشاۋلاۋدى ساقتاي وتىرىپ جوعارى ءبىلىمدى مامانداردان جان-جاقتى قۇقىقتىق كەڭەس الا الادى. توتەنشە جاعداي جاريالانعان ساتتەن باستاپ 246 000-نان اسا ادامدى قامتىعان 79 رەت تىكەلەي ەفير ۇيىمداستىرىلدى. جالپى بۇل قىزمەتكە 10 مىڭنان اسا ازامات جۇگىندى.
وڭ تاجىريبەنى تاراتۋ ماقساتىندا ورتالىق مەملەكەتتىك جانە جەرگىلىكتى اتقارۋشى ورگانداردىڭ, «ازاماتتارعا ارنالعان ۇكىمەت» كوممەرتسيالىق ەمەس اكتسيونەرلىك قوعامىنىڭ جانە «اتامەكەن» ۇلتتىق كاسىپكەرلەر پالاتىسىنىڭ وكىلدەرىن تارتۋ كوزدەلىپ وتىر.
