پوليتسيا قىزمەتكەرلەرىنە ۇيدەگى توڭازىتقىشتىڭ ۇستىنە قويعان جەرىنەن تاپپاي قالعانىن دا حابارلاعان. تەلەفونسىز «تىرلىگى ونبەيتىن» بۇگىنگىنىڭ ادامى بايلانىس قۇرالىن سوڭعى رەت قاي كەزدە پايدالانعانىن ۇمىتپايتىنى انىق. ورىن العان وقيعا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلىپ, قر قىلمىستىق كودەكسىنىڭ 188-بابى بويىنشا تىركەلگەن. تاجىريبەلى پوليتسەيلەردەن جەدەل تەرگەۋ توبى قۇرىلىپ, ىزدەۋ جۇمىستارىن باستايدى. ءسويتىپ ۇرلانعان ۇيالى تەلەفوندى قۇپيا ساندارى ارقىلى تابادى. ۇرى الىستان كەلمەپتى. اۋداندىق پوليتسيا ءبولىمىنىڭ حابارلاۋىنشا, تەلەفوندى ۇرلاعان جابىرلەنۋشى ايەلدىڭ ابىسىنى بولىپ شىققان. ۇرلانعان تەلەفوندى ءوزى قولدانىپ تا جۇرگەن. ايعاقتى زات رەتىندە الىنعان ۇيالى تەلەفون يەسىنە قايتارىلدى.
«اعايىن تاتۋ بولسا – ات كوپ, ابىسىن تاتۋ بولسا – اس كوپ» دەگەن ماقالدى جاقسى بىلەتىن جابىرلەنۋشى ايەل ابىسىنىن كەشىرگەن. پوليتسيا قىزمەتكەرلەرىنىڭ سوزىمەن ايتساق, سول سەبەپتى اتالعان دەرەك قىسقارتىلىپتى.
