تۇركيانىڭ ىستامبۇل مەن ادانا قالالارىندا بيلىكتىڭ ۋنيۆەرسيتەت اۋماعىنداعى تالداردى كەسۋ جونىندەگى شەشىمىنە قارسى نارازىلىق اكتسيالارى بولىپ ءوتتى. بۇل تۋرالى يتار-تاسس حابارلادى.
ەرەۋىلشىلەردى تاراتۋ ءۇشىن پوليتسياعا سۋ مەن كوز جاساۋراتاتىن گاز قولدانۋعا تۋرا كەلدى. جەرگىلىكتى تەلەارنالار 10 شاقتى ادامنىڭ قاماۋعا الىنعانىن مالىمدەدى.
ادانا قالاسىندا ونداعان ادام اتاتۇرىك اتىنداعى ساياباقتا جينالىپ, شەرۋلەرىن قالا ورتالىعىنا قاراي باعىتتاۋعا بەكىنگەن. كوشەلەردىڭ بىرىندە پوليتسيا ولارعا توسقاۋىل جاساپ, شەرۋدى توقتاتپاق بولدى. الايدا, ەرەۋىلشىلەر كوشەدە بارريكادا قۇرىپ, ءتارتىپ ساقشىلارىنا تاس لاقتىرا باستادى. اشىنعان توپتى تاراتۋ ءۇشىن قۇقىق قورعاۋشىلار سۋ مەن كوز جاساۋراتاتىن گاز قولدانعان كورىنەدى.
ىستامبۇل قالاسىندا جۇزگە جۋىق ادام كوشەلەردە وت جاعىپ, بارريكادالار قۇرۋ ارقىلى كولىك قوزعالىسىن توقتاتىپ تاستادى. پوليتسيانىڭ حالىقتى تاراۋعا شاقىرۋلارى ناتيجە بەرمەگەن سوڭ, ولارعا قارسى ارنايى امالدار قولدانىلدى. ەرەۋىلشىلەر ءوز كەزەگىندە تاسا جەرلەرگە شەگىنە بەرىپ, پوليتسيا قىزمەتكەرلەرىنە تاس لاقتىردى.
ايدار ورىسباەۆ.
