قاشاعان كەن ورنىندا مۇناي ءوندىرۋ ۇستىمىزدەگى جىلعى 9 قىركۇيەكتە باستالادى. بۇل تۋرالى Kazakhstan Today ءتىلشىسى حابارلادى.
مۇنىڭ جايىن «قازمۇنايگاز» ۇلتتىق كومپانياسى باسقارماسىنىڭ توراعاسى ساۋات مىڭباەۆ قازاقستان-قىتاي ىسكەرلىك كەڭەسىنىڭ قۇرىلتاي وتىرىسىندا ايتتى. ونىڭ سوزىنە قاراعاندا, ءبىرىنشى مۇناي ءوندىرۋ مەن كوممەرتسيالىق مۇناي وندىرۋگە دەيىنگى ارالىق ايعا جۋىق مەرزىمگە سوزىلاماقشى.
بۇدان بۇرىن مۇناي جانە گاز ءمينيسترى ۇزاقباي قارابالين اتىراۋ وبلىسىنداعى قاشاعان كەنىشىندە تاجىريبەلىك-وندىرىستىك مۇناي ءوندىرۋ جۇمىستارىنىڭ 2013 جىلعى قازان ايىنان قالماي قولعا الىناتىنىن مالىمدەگەن ەدى. كاسپيدىڭ قازاقستانعا قاراستى شەلفىندەگى قاشاعان كەن ورنىنان بيىل 1,5 ملن. توننادان 3 ملن. تونناعا دەيىن مۇناي الۋ جوسپارلانىپ وتىر.
قاشاعان – كاسپي تەڭىزىنىڭ سولتۇستىگىندە ورنالاسقان قازاقستانداعى اسا ءىرى مۇناي-گاز كەن ورنى. ول 2000 جىلعى 30 ماۋسىمدا اشىلدى.
ساكەن مايلىباي.
