كەلەس اۋدانىندا جۇمىس ساپارىمەن بولعان ينسپەكتور ەلىمىزدە جاريالانعان توتەنشە جاعدايعا بايلانىستى اتقارىلىپ جاتقان جۇمىستاردىڭ بارىسىمەن تانىستى. بىرقاتار ەسكەرتۋلەر جاسادى. مىسالى «قازاقستان حالىق بانكى» اۋداندىق فيليالى عيماراتىنىڭ حالىققا قولايسىز جەردە ورنالاسقانىن ايتىپ, جاڭا عيمارات سالۋ ماسەلەسىن كوتەردى. كولىك كوپ وتەتىن كۇرە جولدىڭ بويىندا ورنالاسقان عيماراتتى كوشىرۋ كەرەكتىگىن ەسكەرتتى. حالىق اراسىندا مەديتسينالىق ماسكا مەن انتيسەپتيكتەرگە سۇرانىس جوعارى بولعاندىقتان سەرىك قوجانيازوۆ اۋدان ورتالىعىنداعى ءدارىحانالاردى ارالاپ, ونداعى جاعدايدى تەكسەردى. جاعداي تۇراقتى. بۇل ورايدا كەلەس اۋدانىنىڭ اكىمى اقمەنتاي ەسباەۆ جەرگىلىكتى كاسىپكەرلەرلەردىڭ كومەگىمەن, ەرىكتىلەردىڭ اتسالىسۋىمەن, قوردا قوسىمشا 50 مىڭداي بەتپەردەنىڭ بار ەكەنىن جەتكىزدى.
سونداي-اق, مەملەكەتتىك ينسپەكتور اۋداندىق «قازپوشتا» مەن جۇمىسپەن قامتۋ ورتالىعىن جانە بىرقاتار ساۋدا ورىندارىن ارالاپ, ونداعى ساقتىق شارالارىنىڭ ساقتالۋىن تەكسەردى.
