كوكەيىنە كىشكەنتايىنان كوپ جايتتى ءتۇيىپ وسكەن بالا كەيىن كەلە كەز كەلگەن دۇنيەگە ويلى كوزبەن قارايتىن ازامات بولاتىنى ءمالىم. وي-ساناسىنىڭ جەتىلۋىنە, قالىپتاسۋىنا وسكەن ورتا مەن الەۋمەتتىك ماسەلەنىڭ ىقپال ەتەتىنى دە راس. وسىدان سەكسەن جىل بۇرىن جارىق دۇنيەنىڭ ەسىگىن اشقان تۇرار قويشىعارا ۇلى كوكەەۆتىڭ ءومىر جولى سان تاراۋ. ويتكەنى, بالالىق شاعى ەكىنشى دۇنيەجۇزىلىك سوعىس جىلدارىنا ءدوپ كەلەدى. اكەسى قويشىعارا سوعىستىڭ العاشقى كۇندەرى-اق ارميا قاتارىنا شاقىرىلادى. ازاپتى دا ازالى كۇندەردىڭ سالماعى تىم اۋىر بولاتىن. بۇعاناسى بەكىمەگەن جاس تا, ماڭدايىمەن جەر تىرەگەن كارى دە ءوز بەتىنشە تالپىنباسا, قايران جوق ەدى. حالىق جاپپاي جانكەشتىلىكپەن ەڭبەككە جەگىلدى. اناسى زيباگۇل ەكەۋى جان ساقتاپ, كۇنەلتۋ ءۇشىن 9 جاسار قارشاداي تۇرار اۋىلدىڭ جەكەمەنشىك ۋاق مالىن باعۋعا ءماجبۇر بولدى.
كوكەيىنە كىشكەنتايىنان كوپ جايتتى ءتۇيىپ وسكەن بالا كەيىن كەلە كەز كەلگەن دۇنيەگە ويلى كوزبەن قارايتىن ازامات بولاتىنى ءمالىم. وي-ساناسىنىڭ جەتىلۋىنە, قالىپتاسۋىنا وسكەن ورتا مەن الەۋمەتتىك ماسەلەنىڭ ىقپال ەتەتىنى دە راس. وسىدان سەكسەن جىل بۇرىن جارىق دۇنيەنىڭ ەسىگىن اشقان تۇرار قويشىعارا ۇلى كوكەەۆتىڭ ءومىر جولى سان تاراۋ. ويتكەنى, بالالىق شاعى ەكىنشى دۇنيەجۇزىلىك سوعىس جىلدارىنا ءدوپ كەلەدى. اكەسى قويشىعارا سوعىستىڭ العاشقى كۇندەرى-اق ارميا قاتارىنا شاقىرىلادى. ازاپتى دا ازالى كۇندەردىڭ سالماعى تىم اۋىر بولاتىن. بۇعاناسى بەكىمەگەن جاس تا, ماڭدايىمەن جەر تىرەگەن كارى دە ءوز بەتىنشە تالپىنباسا, قايران جوق ەدى. حالىق جاپپاي جانكەشتىلىكپەن ەڭبەككە جەگىلدى. اناسى زيباگۇل ەكەۋى جان ساقتاپ, كۇنەلتۋ ءۇشىن 9 جاسار قارشاداي تۇرار اۋىلدىڭ جەكەمەنشىك ۋاق مالىن باعۋعا ءماجبۇر بولدى.
اي ارالاتىپ اۋىلعا قارا قاعاز كەلەتىن. بالا كوڭىلى كۇپتى, اكەسىن ويلاپ, جانىن شۇبەرەككە ءتۇيىپ جۇرەتىن. سوعىس اياقتالۋعا جاقىنداعاندا كوكەسى اۋىر جاراقاتتانىپ, ەلگە مۇگەدەك بولىپ ورالادى. ءبىر قۋانارلىعى – كەۋدەسىندە جانى بار, ءتىرى.
وسىنداي قيىنشىلىق جاعدايعا قاراماي تۇرار اۋىلداعى ورتالاۋ مەكتەپتى ۇزدىك ءبىتىرىپ, جامبىل قالاسىنداعى مەدۋچيليششەگە كەلىپ تۇسەدى. ءسويتىپ, بەلگىلى عالىم-حيرۋرگ, جوعارى مارتەبەلى ۇستاز, تالاس ولكەسىنەن عىلىم جولىنا تۇسكەن العاشقى تۇلەكتەردىڭ ءبىرى – تۇرار كوكەەۆتىڭ ۇلكەن ومىردەگى العاشقى قادامى وسىلاي باستالادى.
دارىگەرلىك ماماندىقتى تاڭداۋىنا ەڭ باستى سەبەپكەر بولعان – اكەسىنىڭ جانى قينالىپ جاتقاندا ايتقان ءبىر اۋىز ءسوزى ەدى. «بالام, دارىگەرلىك وقۋعا تۇسۋگە تىرىس». بۇل ونىڭ ەسىندە ءار كەز جاڭعىرىپ ءجۇردى.
سونىمەن, تۇرار كوكەەۆ مەدۋچيليششەنى قىزىل ديپلوممەن ءبىتىرىپ, قازاق مەملەكەتتىك مەديتسينا ينستيتۋتىنىڭ ەمدەۋ فاكۋلتەتىنىڭ ستۋدەنتى اتانادى.
ستۋدەنتتەردىڭ ليدەرى, ۇزدىك ستيپەنديات, كومسومول كوميتەتىنىڭ حاتشىسى تۇرار كوكەەۆ ينستيتۋتتى دا قىزىل ديپلوممەن ءبىتىرىپ, كىندىك قانى تامعان تالاس اۋداندىق اۋرۋحاناسىنا جولدامامەن كەلىپ, جۇمىسقا كىرىسىپ كەتەدى. جاس ءارى بىلىكتى مامان تىنىم تاپپايتىن ىزدەنىمپازدىعى ابىرويعا بولەيدى.
كوپ ۇزاماي ينستيتۋتتى ۇزدىك بىتىرگەن تۇراردى ءوزى تۇلەپ ۇشقان ينستيتۋتى ۇلتتىق عىلىمي كادرلار دايىنداۋ جوسپارى بويىنشا حيرۋرگيا اسپيرانتۋراسىنا شاقىردى. قابىلداۋ ەمتيحانىن جاقسى تاپسىرعان تۇرەكەڭ بەلگىلى عالىم, پروفەسسور ميحايل يۆانوۆيچ برياكينگە شاكىرت بولىپ شىعا كەلەدى.
مىنەزى قاتال, ءتۇسى سۋىق, «ەكى ايتپايتىن», «كۇلمەس حان» اتالىپ كەتكەن ۇستازى ميحايل برياكيننىڭ «تەپكىسىنە» شىداي الماي جاس دارىگەرلەردىڭ كلينيكانى تاستاپ كەتكەندەرى دە بولاتىن. بىراق, ونىڭ ادىلەتتىلىگى, وتە جوعارى دەڭگەيدەگى ۇستازدىق قابىلەتى, ءوزىنىڭ شاكىرتتەرىن جابىرلەتتىرمەۋگە بار كۇشىن سالاتىن ابزال قاسيەتى شىداساڭ شىڭدايتىن. وسىنداي قيىنشىلىقتارعا ءتوزىپ, قامقورشىسىنىڭ كوڭىلىنەن شىعۋ شاكىرتى تۇرارعا وڭاي بولا قويعان جوق. ۇستازدىڭ قويعان تالاپتارىن اسىرا ورىنداپ, ول كىسىنىڭ جاساعان ەڭ كۇردەلى وپەراتسياسىنا ءبىرىنشى اسسيستەنت بولۋ; القالى جيىنداردا, كونفەرەنتسيالاردا قاسىنان قالدىرماي الىپ ءجۇرۋى, ءوزى وقيتىن دارىستەردى, جۇرگىزەتىن سەمينارلاردى تەك تالاپكەرگە تاپسىرۋى, وبلىستارعا قان تامىرلارىنا كۇردەلى وپەراتسيالار جاساۋعا تۇراردى جىبەرىپ وتىرۋى; ءوزى زەينەتكە شىعاردا باسقا پروفەسسورلاردىڭ بارىنا قاراماستان ورنىنا, كافەدرا مەڭگەرۋشىلىگىنە جاس شاكىرتى كوكەەۆتى قالدىرۋى – ايتۋلى عالىمنىڭ اقيقاتتان اتتامايتىنىن كورسەتسە كەرەك.
مىنە, بۇگىن تۇرەكەڭ اق حالات كيىپ ءوزىن مەديكتەر قاۋىمىنىڭ قاتارىندامىن دەپ ەسەپتەيتىنىنە 64 جىل بولسا, جوعارى مەكتەپ ۇستاز
