جاقىندا قازاقستاننىڭ گەرمانياداعى ەلشىلىگى مەن گەرمانيا بۋندەستاگىنىڭ ەكونوميكا جانە تەحنولوگيالار كوميتەتى بىرلەسىپ وتكىزگەن «قازاقستان استاناداعى حالىقارالىق ەكسپو-2017 كورمەسى اياسىندا ءوزىن ەكونوميكالىق جانە تۋريستىك ورتالىق رەتىندە كورسەتەدى» اتتى ەكونوميكالىق فورۋمى قازاق-نەمىس قارىم-قاتىناستارىنىڭ تاريحىنداعى جارقىن دا ەستە قالارلىق وقيعالاردىڭ ءبىرى بولدى.
جاقىندا قازاقستاننىڭ گەرمانياداعى ەلشىلىگى مەن گەرمانيا بۋندەستاگىنىڭ ەكونوميكا جانە تەحنولوگيالار كوميتەتى بىرلەسىپ وتكىزگەن «قازاقستان استاناداعى حالىقارالىق ەكسپو-2017 كورمەسى اياسىندا ءوزىن ەكونوميكالىق جانە تۋريستىك ورتالىق رەتىندە كورسەتەدى» اتتى ەكونوميكالىق فورۋمى قازاق-نەمىس قارىم-قاتىناستارىنىڭ تاريحىنداعى جارقىن دا ەستە قالارلىق وقيعالاردىڭ ءبىرى بولدى.
اتالعان شارا قازاقستان پرەزيدەنتى نۇرسۇلتان نازارباەۆ پەن گەرمانيا كانتسلەرى انگەلا مەركەل ءداستۇرلى تۇردە سەرپىن بەرىپ وتىرعان ەكى مەملەكەت اراسىنداعى قارىم-قاتىناستاردىڭ ودان ءارى ارتىپ كەلە جاتقانىن ايعاقتادى. ن.نازارباەۆ پەن ا.مەركەلدىڭ وتكەن جىلدىڭ اقپانىندا بەرليندەگى كەزدەسۋى بارىسىندا قول جەتكىزىلگەن ۋاعدالاستىقتار ەكىجاقتى ناقتى جوبالاردىڭ ىسكە اسىرىلۋى ارقىلى وزدەرىنىڭ لايىقتى جالعاسىن تاپقانىن ايتا كەتۋ قاجەت. وسىلايشا, قازىرگى كەزدە شيكىزات, ءوندىرىس جانە تەحنولوگيالار سالالارىنداعى سەرىكتەستىك پارمەندى تۇردە دامىپ, گفر-دىڭ كاسىبي-تەحنيكالىق دۋالدى ءبىلىم بەرۋ جۇيەسىن قازاقستانعا ەنگىزۋ بارىسىندا بەلسەندى جۇمىستار جۇرگىزىلە باستادى. گەرمانيا ەۋرووداق ەلدەرىنىڭ ىشىندە العاشقىلاردىڭ ءبىرى بولىپ حالىقارالىق ەكسپو-2017 كورمەسىن وتكىزۋ جونىندەگى استانانىڭ كانديداتۋراسىن قولدادى جانە وسىنداي كورمەنى 2010 جىلى گاننوۆەردە وتكىزۋدەگى ءوزىنىڭ مول تاجىريبەسىن پايدالانا وتىرىپ, ەلىمىزگە كورمەنى ۇيىمداستىرۋ جانە وتكىزۋ بارىسىندا جان-جاقتى قولداۋ كورسەتۋگە دايىن ەكەنىن ءبىلدىردى.
نەمىس ساراپشىلارىنىڭ پىكىرىنشە, گەرمانيانىڭ ەڭ جوعارعى زاڭ شىعارۋشى ورگانىندا ءبىزدىڭ ەلگە ارناپ وتكىزىلىپ وتىرعان وسى شارا ەكى مەملەكەت اراسىنداعى قاتىناستاردىڭ جوعارى دەڭگەيىن راستاي وتىرىپ, سونىمەن قاتار, ەۋرووداقتىڭ كوشباسشىسى جانە ەكونوميكا جاعىنان الەمدەگى ءۇشىنشى ورىنداعى ەلدىڭ قازاقستاننىڭ ورتالىق ازيا وڭىرىندەگى ءرولى مەن ماڭىزىن مويىندايتىنىن كورسەتىپ بەردى.
وسى فورۋمعا ەكى ەلدەن قاتىسقان دەلەگاتسيالار وكىلەتتىلىگىنىڭ جوعارى دەڭگەيىن اتاپ ءوتۋ قاجەت. قازاقستاندىق دەلەگاتسيانىڭ قۇرامىندا پارلامەنت ءماجىلىسىنىڭ ەكونوميكالىق رەفورمالار جانە وڭىرلىك دامۋ كوميتەتىنىڭ مۇشەسى اسحات بەكەنوۆ, سىرتقى ىستەر ءمينيسترىنىڭ ءبىرىنشى ورىنباسارى, حالىقارالىق ەكسپو-2017 كورمەسىنىڭ كوميسسارى ءراپىل جوشىباەۆ, يندۋستريا جانە جاڭا تەحنولوگيالار ۆيتسە-ءمينيسترى البەرت راۋ, «استانا ەكسپو-2017» ۇك باسقارماسىنىڭ توراعاسى تالعات ەرمەگياەۆ, يجتم-ءنىڭ تۋريزم ءوندىرىسى كوميتەتى توراعاسىنىڭ ورىنباسارى دانيار بەكتىباەۆ جانە باسقالار بولدى.
گەرمانيا فەدەراتيۆتىك رەسپۋبليكاسى تاراپىنان نەگىزگى باياندامانى ءسىم مەملەكەتتىك ءمينيسترى كورنەليا پيپەر, بۋندەستاگتىڭ ەكونوميكا جانە تەحنولوگيالار كوميتەتىنىڭ توراعاسى ەرنست حينسكەن, ەكونوميكا جانە تەحنولوگيالار مينيسترلىگىنىڭ پارلامەنتتىك ستاتس-حاتشىسى ەرنست بۋرگباحەر, بۋندەستاگتىڭ تۋريزم جانە سپورت كوميتەتىنىڭ مۇشەسى يۋرگەن كليمكە جانە باسقالار جاسادى. شاراعا بارلىعى 200-گە جۋىق قوناقتار, ولاردىڭ ىشىندە دەپۋتاتتىق كورپۋستىڭ وكىلدەرى, گەرمانيانىڭ مەملەكەتتىك ورگاندارىنىڭ باسشى قىزمەتكەرلەرى, قوعامدىق, ساياسي جانە ىسكەر توپتارىنىڭ, سونداي-اق, گفر باق-تارىنىڭ وكىلدەرى قاتىستى.
نەمىس تاراپى ەكى مەملەكەت باسشىلارى تۇراقتى قولداپ كەلە جاتقان ەكىجاقتى قاتىناستاردىڭ جوعارى دەڭگەيىن, سونداي-اق گفر ءۇشىن ورتالىق ازياداعى ماڭىزدى سەرىكتەس دەپ قاراستىراتىن قازاقستانمەن كەڭ كولەمدى ساياسي-ەكونوميكالىق ىنتىماقتاستىعىنىڭ ماڭىزى زور ەكەنىن باسا كورسەتتى. نەمىس بايانداماشىلارى اتاپ وتكەندەي, قازاقستاندىق ەكونوميكانىڭ ماكروەكونوميكالىق كورسەتكىشتەرى, سونداي-اق ەلدەگى ءتيىمدى ينۆەستيتسيالىق احۋال ەكونوميكا سالاسىنداعى ەكىجاقتى ىنتىماقتاستىق ءوسۋىنىڭ ناقتى العىشارتى بولىپ تابىلادى.
ءوزىنىڭ قۇتتىقتاۋ سوزىندە ەلىمىزدىڭ سىرتقى ىستەر ءمينيسترىنىڭ ءبىرىنشى ورىنباسارى, حالىقارالىق ەكسپو-2017 كورمەسىنىڭ كوميسسارى ر.جوشىباەۆ ەكى ەل اراسىنداعى تىعىز ساياسي ۇنقاتىسۋ ەكى جاققا دا تيىمدىلىك اكەلىپ وتىرعانىن اتاپ كورسەتتى. قازاقستاندىق ديپلومات ايتىپ وتكەندەي, ەلباسى ن.ءا.نازارباەۆتىڭ 2012 جىلعى گەرمانياعا جانە گفر كانتسلەرى ا.مەركەلدىڭ 2010 جى
