قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى ءجونىندەگى كوميسسيانىڭ مۇشەلەرى كوميسسيا توراعاسى قۋانىش سۇلتانوۆتىڭ باسشىلىعىمەن رەسپۋبليكالىق «نەيروحيرۋرگيا» عىلىمي ورتالىعىندا بولدى.
قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى ءجونىندەگى كوميسسيانىڭ مۇشەلەرى كوميسسيا توراعاسى قۋانىش سۇلتانوۆتىڭ باسشىلىعىمەن رەسپۋبليكالىق «نەيروحيرۋرگيا» عىلىمي ورتالىعىندا بولدى.
استانالىقتار مەن قازاقستاننىڭ باسقا دا وڭىرلەرىنىڭ تۇرعىندارى ستاتسيونارلىق ەم قابىلدايتىن ەمدەۋ ءارى عىلىمي-زەرتتەۋ مەكەمەسىنە بارۋدىڭ ماقساتى سىرقات پاتسيەنتتەردىڭ ورتالىقتاعى جاعدايلارىمەن, ولاردىڭ قازاقستان رەسپۋبليكاسىنىڭ كونستيتۋتسياسى مەن «حالىقتىڭ دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىندە, قازاقستاننىڭ ادام قۇقىقتارىن قورعاۋ سالاسىنداعى حالىقارالىق مىندەتتەمەلەرىندە كەپىلدىك بەرىلگەن قۇقىقتارىنىڭ ساقتالۋىمەن تانىسۋ بولاتىن.
مەملەكەت باسشىسى جانىنداعى ادام قۇقىقتارى جونىندەگى كوميسسيا مۇشەلەرى دارىگەرلەرمەن جانە پاتسيەنتتەرمەن اڭگىمەلەسۋ بارىسىندا ازاماتتاردىڭ دەنساۋلىعىن قورعاۋعا جانە بىلىكتى مەديتسينالىق كومەك الۋعا كونستيتۋتسيالىق قۇقىقتارىن قامتاماسىز ەتۋ, دارىگەرلەر مەن باسقا دا مەديتسينالىق قىزمەتكەرلەردىڭ الەۋمەتتىك-قۇقىقتىق قورعالۋى, ولاردىڭ ەۋروپالىق وداق ەلدەرىندە جانە الەمنىڭ باسقا دا دامىعان ەلدەرىندە بىلىكتىلىكتەرىن كوتەرۋ ماسەلەلەرىنە ەرەكشە كوڭىل ءبولدى.
ەمدەۋ مەكەمەسىندە بولعان كەزدە جينالعان ماتەريالدار كوميسسيانىڭ مەملەكەت باسشىسىنىڭ قاراۋىنا ۇسىناتىن «قازاقستان رەسپۋبليكاسىنداعى ادام قۇقىقتارىنىڭ احۋالى تۋرالى» جىل سايىنعى بايانداماسىنىڭ «ازاماتتاردىڭ دەنساۋلىعىن قورعاۋعا جانە بىلىكتى مەديتسينالىق كومەك الۋعا كونستيتۋتسيالىق قۇقىقتارى» بولىمىنە ەنگىزىلەتىن بولادى.
بۇل ءىس-شارا قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسيانىڭ 2013 جىلعا ارنالعان جۇمىس جوسپارىنا سايكەس ۇيىمداستىرىلدى.
«ەگەمەن-اقپارات».
