كوكشە جەرىندە كەڭەس وداعىنىڭ باتىرى مالىك عابدۋلليننىڭ 2015 جىلىاتالىپوتەتىن 100 جىلدىق مەرەيتويىنا دايىندىق جۇمىستارى قىزۋ قولعا الىنۋدا. بۇل ورايدا اتپال ازاماتتىڭ تۋعان ەلى زەرەندى اۋدانىندا ايتۋلى شارالاردىڭ الدىمەن العا تارتىلۋى عانيبەت ءارى زاڭدى باستاما دەپ بىلەمىز. مۇنىڭ ءوزى بۇگىنگى ۇرپاقتىڭ موينىنداعى ابىرويلى پارىز, جاۋاپتى قادام ەكەندىگى دە انىق. وسى رەتتە اۋدان اكىمى ەرمەك مارجىقپاەۆتىڭ جاقسى ىسكە ۇيتقى بولعانىن اتاپ وتكەن ءجون.
كوكشە جەرىندە كەڭەس وداعىنىڭ باتىرى مالىك عابدۋلليننىڭ 2015 جىلىاتالىپوتەتىن 100 جىلدىقمەرەيتويىنادايىندىقجۇمىستارىقىزۋقولعاالىنۋدا. بۇل ورايدا اتپال ازاماتتىڭ تۋعان ەلى زەرەندى اۋدانىندا ايتۋلى شارالاردىڭ الدىمەن العا تارتىلۋى عانيبەت ءارى زاڭدى باستاما دەپ بىلەمىز. مۇنىڭ ءوزى بۇگىنگى ۇرپاقتىڭ موينىنداعى ابىرويلى پارىز, جاۋاپتى قادام ەكەندىگى دە انىق. وسى رەتتە اۋدان اكىمى ەرمەك مارجىقپاەۆتىڭ جاقسى ىسكە ۇيتقى بولعانىن اتاپ وتكەن ءجون.
اتا زاڭىمىزدىڭ ايشىقتى مەرەكەسىمەن تۇسپا-تۇس كەلگەن سالتاناتقا وبلىستىڭ زيالى قاۋىم وكىلدەرى, زەرەندى اۋىلدارىنىڭ جۇرتشىلىعى كوپتەپ جينالدى. ءار جاناردا بيىك تۇعىرداعى اق جامىلعى تەزىرەك ءتۇسىرىلسە, ەل سۇيىكتىسىمەن تەزىرەك قاۋىشساق دەگەن جارقىل بار. اينالانى رۋح اسقاقتاتار اۋەندەر جاڭعىرتىپ تۇر. مىنە, كۇتكەن ءسات تە كەلىپ جەتتى. اقمولا وبلىسى اكىمىنىڭ ءبىرىنشى ورىنباسارى راشيت اكىموۆ, زەرەندى اۋدانىنىڭ اكىمى ەرمەك مارجىقپاەۆ جانە باتىردىڭ قىزى مايدان مالىكقىزى ەسكەرتكىشتى اشىپ, ءداستۇرلى لەنتانى قيدى.
زەرەندىنىڭ قاق تورىندە ورناتىلعان ەسكەرتكىشتەگى مالىك عابدۋللين بەينەسى باتىرلارعا ءتان قايسارلىقتىڭ, عالىمدارعا ءتان دانالىقتىڭ جاندى تۇلعاسىنداي كوز تارتادى. كوكشەتاۋلىق قىلقالام شەبەرى ءارى ءمۇسىنشى, قازاقستان سۋرەتشىلەر وداعىنىڭ مۇشەسى يۋري پوپوۆ تۇلعا ءمۇسىنىن سومداۋدا وزىندىك شىعارماشىلىق ىزدەنىسىمەن ءتانتى ەتەدى. تۇعىرتاستاعى ءۇش مەترلىك ەسكەرتكىشتە عاسىرلار توعىسىنداعى قايراتكەردىڭ جيىنتىق بەينەسى كورىنىس تاپقانداي. وقالى ۇلتتىق شاپان جامىلعان تۇلعانىڭ ومىراۋىندا كەڭەس وداعى باتىرىنىڭ التىن جۇلدىزى جارقىرايدى. وڭ قولىن كەۋدەسىنە باسقان مالىك ءوزى ارمانداعان قازاقستان تاۋەلسىزدىگىنىڭ شاراپاتتارىنا, ەلدى ەڭسەلەنتكەن ۇرپاققا رياسىز ريزاشىلىعىن ءبىلدىرىپ تۇرعانداي اسەرگە بولەيدى. وسىناۋ ورايلى سەزىم مايدان اپا مالىكقىزىنىڭ جەرلەستەرىنە ارناعان ىقىلاستى سوزدەرىنەن دە توگىلىپ تۇردى.
– بۇگىن باتىر ۇرپاقتارى ءۇشىن عانا ەمەس, بارشا كوكشەلىكتەر ءۇشىن ۇمىتىلماس ءارى قۋانىشتى كۇن, – دەدى الماتىدان كەلگەن اسىلدىڭ سىنىعى. – مەنىڭ اكەم مالىك ەلىنىڭ ۇلى بولىپ ەدى. ءوز تۋعان جەرىنە جان-تانىمەن قىزمەت ەتتى. حالقى ونى ۇمىتپاي, قۇرمەت تۇتۋدا. كوكشەتاۋ قالاسىندا مالىك عابدۋللين اتىنداعى كوشە, مەكتەپ, مۇراجاي بار. ەلىمىزدىڭ وزگە وڭىرلەرىندە دە وسىنداي قۇرمەت نىشاندارى بارشىلىق. بۇگىنگى وقيعانىڭ ەرەكشەلىگى – ءمالىك ەسكەرتكىشىنىڭ تۇڭعىش رەت اشىلىپ وتىرعاندىعىندا. مەن وسى ءۇشىن وبلىس باسشىلىعىنا, زەرەندى اۋدانىنىڭ اكىمى ەرمەك بورانباي ۇلىنا, جەرلەستەرىمە شەكسىز العىسىمدى بىلدىرەمىن.
جينالعاندار الدىندا اقمولا وبلىسى اكىمىنىڭ ءبىرىنشى ورىنباسارى راشيت اكىموۆ, پارلامەنت دەپۋتاتتارى جابال ەرعاليەۆ پەن مايرا ايسينا, «نۇر وتان» حدپ وبلىستىق فيليالى توراعاسىنىڭ ءبىرىنشى ورىنباسارى مۇراتبەك وسپانوۆ, وبلىستىق ءماسليحات حاتشىسى نينا دياچەك, ەڭبەك ارداگەرلەرى مەيرامبەك قيىقوۆ, ەڭبەك قابدانوۆ, ەسىمبەك اكىموۆ جۇرەكجاردى سوزدەرىن ارنادى.
باقبەرگەن امالبەك,
«ەگەمەن قازاقستان».
اقمولا وبلىسى,
زەرەندى اۋدانى.
–––––––––––
سۋرەتتەردە: زەرەندى تورىندەگى باتىر ەسكەرتكىشى; اۋدان اكىمى ەرمەك مارجىقپاەۆ پەن م.عابدۋلليننىڭ قىزى مايدان مالىكقىزىنىڭ قۇتتىقتاۋ ءساتى.
