وڭىردە بارلىق قىزمەتتەردى تسيفرلاندىرۋ جۇمىستارى قارقىندى جۇرگىزىلۋدە. كوپتەگەن ۇيىمداردا POS-تەرمينالدار ورناتىلىپ, ازاماتتاردىڭ وزدەرىنە قىزمەت كورسەتۋ مۇمكىندىگى كەڭەيگەن. توتەنشە جاعداي كەزىندە تسيفرلاندىرۋ جۇيەسىنىڭ جوعارى دەڭگەيدە بولعانى حالىقتىڭ قاۋىپسىزدىگى ءۇشىن اسا ماڭىزدى بولىپ وتىر. سوندىقتان دا بەكىتىلگەن «جول كارتاسىنا» سايكەس مەملەكەتكە ۆەدومستۆولىق باعىنىستى كوممەرتسيالىق ەمەس جانە كوممەرتسيالىق ۇيىمدار, بالاباقشالار, مەكتەپتەر تسيفرلاندىرىلاتىن بولادى. وبلىس اكىمىنىڭ ورىنباسارى مەيىرجان مىرزاليەۆ پەن وڭىردەگى ەكىنشى دەڭگەيلى بانك, «اگرارلىق نەسيە كورپوراتسياسى» اق, ۇلتتىق بانكتىڭ فيليالى, تۇركىستان وبلىسى مەملەكەتتىك كىرىستەر دەپارتامەنتى جانە «قازپوشتا» اق وكىلدەرىنىڭ قاتىسۋىمەن وتكەن كەڭەس بارىسىندا وسى باعىتتا جۇرگىزىلىپ جاتقان جۇمىستار زەردەلەندى. سونداي-اق POS-تەرمينالدارسىز جۇمىس ىستەۋگە تۋرا كەلەتىن جاعدايلاردىڭ بىرقاتار سەبەپتەرى اتاپ كورسەتىلدى. ماسەلەن, بانكتەردىڭ ءوتىنىشتى رەسىمدەۋ جانە تەرمينالداردى جەتكىزۋ مەرزىمى 2 اپتادان 2 ايعا دەيىن سوزىلعان نەمەسە 1-دەن 3% - عا دەيىن جوعارى كوميسسيالىق تاريفتەر كاسىپكەرلەر ءۇشىن ءتيىمسىز بولعان جاعدايدا, ويتكەنى بانك سەنىمدىلىگىنە قاراي تۇتىنۋشىلار ءتۇرلى ساناتتا بولۋى مۇمكىن. بۇل ورايدا م. مىرزاليەۆ تۇرعىندار ءۇشىن جايلىلىق جاساۋ باستى مىندەت ەكەنىن ايتا كەلە, جاۋاپتى ۇيىم باسشىلارىنا تسيفرلاندىرۋ باعىتىندا جۇمىستى كۇشەيتۋدى تاپسىردى.
تۇركىستان وبلىسى
