بۇل مەديتسينالىق اپپاراتتار كوروناۆيرۋس ىندەتىنە شالدىققان ناۋقاس بالالاردى ەمدەۋدە ەڭ ماڭىزدى قۇرالداردىڭ ءبىرى. اۋدان اكىمىنىڭ ورىنباسارى بەيسەنباي تورەبەكوۆ پەن اۋداندىق «مىرزاكەنت» اۋرۋحاناسىنىڭ باس دارىگەرى بەرىك ەسىمحانوۆ قۇرال-جابدىقتاردى اۋرۋحاناعا جەتكىزىپ بەرگەن كاسىپكەردىڭ ۇلىنا العىستارىن ءبىلدىردى. «كوروناۆيرۋس ينفەكتسياسى اسقىنعان جاعدايدا ادامنىڭ وكپەسىندەگى تىنىس الۋ جولدارىن زاقىمدايدى. ناۋقاسقا وتتەگى جەتىسپەي قينالادى. مىنە, وسىنداي جاعدايدا تىنىس الۋ اپپاراتىنىڭ ماڭىزى زور. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە, جاساندى تىنىس الۋ اپپاراتتارىنىڭ جەتىسپەۋشىلىگىنەن كوپتەگەن ەلدەردە كوروناۆيرۋس ىندەتىنەن قايتىس بولۋشىلاردىڭ سانى ارتۋدا», دەدى «مىرزاكەنت» اۋرۋحاناسىنىڭ باس دارىگەرى بەرىك ناعاشبەك ۇلى.
بۇگىنگى تاڭدا ماقتاارال اۋدانىندا كوروناۆيرۋسقا شالدىققان 4 ناۋقاس تىركەلگەن. اۋرۋحانالار مەن وۆسەرۆاتسيالىق ورتالىقتا 56 ادام كارانتينگە الىنعان. سونداي-اق 120 ادام ءۇي كارانتينىندە.
تۇركىستان وبلىسى
