سول سەبەپتى دە جەتىساي اۋدانىندا ساقتىق شارالارى كۇشەيتىلگەن. ادام كوپ شوعىرلاتاتىن بانك بولىمشەلەرى مەن «قازپوشتا» مەكەمەسىندەگى ۇزىن-سونار كەزەكتەر ساقتىق شارالارىنىڭ تالاپتارىنا ساي رەتكە كەلتىرىلگەن. ياعني كەزەكتە تۇرعان ازاماتتاردىڭ اراقاشىقتىعى ساقتالىپ, كليەنتتەردىڭ اتى-جوندەرى مەن كەزەكتىك رەتى داۋى سۇلعايتقىشپەن حابارلانۋدا. ءدال وسىنداي ساقتىق شارالارى اۋداننىڭ وزگە كەنت, اۋىل وكرۋگتەرىندە دە قولعا الىنۋدا.
دەگەنمەن وڭىردە توتەنشە جاعداي كەزىندە تارتىپكە باعىنباعان, زاڭعا قايشى ورەسكەل ارەكەت جاساۋشىلار تىيىلماي تۇر. توتەنشە جاعداي رەجيمىن بۇزۋ بويىنشا وبلىستا 123 جايت انىقتالىپ, 43 تۇرعىن قاماۋعا الىنعان. وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, سوتتىڭ شەشىمىمەن 63 تۇرعىنعا اكىمشىلىك ايىپپۇل سالىنعان. تاعى ءبىر ازاماتقا ەسكەرتۋ بەرىلىپ, 16 تۇرعىننىڭ ءىسى سوتتا قارالۋدا. سونداي-اق دەپارتامەنت قۇقىقبۇزۋشىلىق جاساعان ازاماتتاردىڭ اراسىندا توتەنشە جاعدايدىڭ العاشقى كەزدەرىندە توي, تۋعان كۇن, بەتاشار, تۇساۋكەسەر جاساعاندار, ويىن-ساۋىق ورىندارىن اشىپ, ادامداردى قابىلداعانى ءۇشىن جاۋاپقا تارتىلعاندار دا بارىن جاريا ەتتى. شەكتەلگەن ۋاقىتتا ادامدار توبى بولىپ شوعىرلانعانى ءۇشىن ەسكەرتۋ العاندار دا بار. ال ماقتاارال اۋدانى اتاكەنت كەنتىندەگى بلوك-بەكەتتە قىزمەتتە تۇرعان پوليتسەيگە قارسىلىق ءبىلدىرگەن تۇرعىن قاماۋعا الىنعان.
تءارتىپ ساقشىلارىنىڭ كۇشەيتىلگەن رەجيمدەجۇمىس اتقارۋى ءوز ناتيجەسىن دە بەرۋدە. مىسالى, وتكەن جىلدىڭ 3 ايىمەن سالىستىرعاندا بيىل قىلمىستار سانى 18,2 %-عا ازايعان. قوعامدىق ورىندا جاسالعان قۇقىقبۇزۋشىلىقتار 25,7 پايىزعا, كوشەلەردە جاسالاتىن قىلمىستار 26,2 پايىزعا تومەندەگەن.
