مىسالى, تۇركىستان وبلىسىنىڭ بايلانىس ورتالىعىندا جۇمىس ىستەيتىن 128 قىزمەتكەردىڭ ءبىرى ەرلى-زايىپتى مۇرات پەن جازيرا قاشىقتان جۇمىس ىستەۋ ءتارتىبى بويىنشا, ۇيلەرىنەن حالىققا قىزمەت كورسەتۋدە. مۇرات بارلىباەۆتىڭ ايتۋىنشا, سوڭعى كەزدەرى كەڭەس سۇراپ حابارلاساتىنداردىڭ باسىم بولىگىن مەملەكەت تاراپىنان بەرىلەتىن كومەك, بانكتەردەن شوت اشۋ جانە ەلەكتروندى قولتاڭبا الۋ سىندى ماسەلەلەر مازالايدى. ياعني, مەملەكەت تاراپىنان ءبولىنىپ جاتقان 42500 تەڭگە بويىنشا كۇنىنە 150-200 قوڭىراۋ تۇسەدى ەكەن. «ازاماتتارعا ارنالعان ۇكىمەت» مك» اق-نىڭ وبلىستىق فيليالىنىڭ رەسمي وكىلى امانتاي ەگەمبەرديەۆ توتەنشە جاعداي جاريالانعالى بەرى وبلىستا 80 مىڭنان استام ازاماتقا ونلاين قىزمەت كورسەتىلگەنىن ايتادى. ونىڭ 51 مىڭىنا ۇيالى تەلەفونى ارقىلى قىزمەت كورسەتىلسە, قالعانىنا بەينەقوڭىراۋ ارقىلى تۇسىندىرىلگەن.
تۇركىستان وبلىسى
