بۇگىن قازالى اۋداندىق سوتىندا «TrueConf» ءموبيلدى قوسىمشاسىنىڭ كومەگىمەن توتەنشە جاعداي رەجيمىن بۇزۋ فاكتىلەرى بويىنشا ءتورت اكىمشىلىك قۇقىق بۇزۋشىلىق تۋرالى ءىس قارالدى.
الدىمەن ساعات 18.00-دەن كەيىن دە ازىق-ت ۇلىك دۇكەنىن جاپپاي, ساۋدا-ساتتىق جاساعان كەنت تۇرعىنى قر اقبتك-ءنىڭ 476-بابىنىڭ 6-تارماقشاسىمەن كىنالى دەپ تانىلىپ, وعان 26510 تەڭگە كولەمىندە اكىمشىلىك ايىپپۇل سالىندى.
ال ارال اۋدانىنىڭ تۇرعىنى قازالى اۋماعىنا باقىلاۋ بەكەتىنەن اينالىپ وتپەكشى بولعان. وسى ارەكەتى ءۇشىن قر اقبتك-ءنىڭ 476-بابىنىڭ 1-تارماقشاسىمەن كىنالى دەپ تابىلعان وعان سوت قاۋلىسىمەن 27 780 تەڭگە مولشەرىندە اكىمشىلىك ايىپپۇل بەلگىلەندى.
ازاماتتاردىڭ تۇرعىن ۇيدەن نەگىزسىز شىعۋىنا جانە اۆتوكولىكپەن جۇرۋىنە شەكتەۋ سالىنعانىنا قاراماستان, ايتەكە بي كەنتىنىڭ 2 تۇرعىنى 9 ءساۋىر كۇنى ساعات 18.00-دەن كەيىن كەنت كوشەلەرىندە كولىك جۇرگىزگەندەرى انىقتالعان. سوت قاۋلىسىمەن ولار دا 27 780 تەڭگە اكىمشىلىك ايىپپۇل ارقالادى.
تالاپ ساقتالسا, ءتارتىپ بۇزىلمايدى. ءوز يەلىگىندەگى ازىق-ت ۇلىك دۇكەنىن بەلگىلەگەن ۋاقىتتان 9 مينۋتقا كەش جاپقان كەنت تۇرعىنى دا قر اقبتك-ءنىڭ 476-بابىنىڭ 6-تارماقشاسىمەن كىنالى دەپ تانىلىپ, وعان ەسكەرتۋ بەرىلدى.
