ايماقتار • 09 ءساۋىر، 2020

اتىراۋدا ەرىكتىلەر ارنايى جيىندارعا قاتىسۋعا نيەت بىلدىرۋدە

63 رەتكورسەتىلدى

ءۇش جۇزدەن استام قورداعى اسكەري قىزمەتشىلەر مەن ەرىكتىلەر اتىراۋ وبلىسىنىڭ قورعانىس ىستەرى جونىندەگى ۆەدومستۆولارىنا ارنايى جيىنعا قاتىسۋ ءۇشىن وتىنىمدەر ءبىلدىردى. بۇل تۋرالى «باتىس» وڭىرلىك قولباسشىلىعى ءباسپاسوز قىزمەتى حابارلادى.

مەملەكەت باسشىسى قاسىم-جومارت توقاەۆ «اسكەري قىزمەتشىلەردى ارنايى وقۋ-جاتتىعۋ جيىندارىنا شاقىرۋ تۋرالى» جارلىققا قول قويعاننان كەيىن، اتىراۋ وبلىسىنىڭ قورعانىس ىستەرى جونىندەگى باسقارمالارىنا ەرىكتى ازاماتتار اعىلا كەلە باستادى.

تىركەلگەن اسكەري قىزمەتشىلەر بلوكپوستتاردا قىزمەت جاساۋعا، قالا وبەكتىلەرىن پاترۋلدەۋگە نەمەسە ماڭىزدى نىسانداردى دەزينفەكتسيالاۋعا دايىن ەكەندىكتەرىن مالىمدەيدى. الايدا، قازىرگى ۋاقىتتا ولاردىڭ بارلىعى تەك قانا كانديدات ەسەبىندە قاراستىرىلىپ جاتىر. سونىمەن قاتار، وڭىردە ەلىمىزدىڭ جاس جانە بەلسەندى ازاماتتارى #ەلتىرەگى چەللەندجىنە بەلسەندى ات سالىسىپ، الەۋمەتتىك جەلىلەردەگى بەينەروليكتەردە وزدەرىنىڭ پاتريوتتىق باستامالارىن ءىس جۇزىندە دالەلدەۋگە ءازىر ەكەندىكتەرىن ايتۋدا.

- مەنىڭ ويىمشا قازىرگى ۋاقىتتا ەلىمىزدىڭ ءاربىر ەر ازاماتى قازاقستاننىڭ بولاشاعى ءۇشىن ءوز سەپتىگىن تيگىزۋ قاجەت. وسى ويمەن مەن ارنايى جيىنعا قاتىسۋعا دايىن ەكەندىگىمدى بىلدىرەمىن جانە بارلىعىن ءىس-شارادان تىس قالماۋعا شاقىرامىن، دەيدى ەرىكتىلەردىڭ ءبىرى اۋەز ازامات.

قورعانىس ىستەرى جونىندەگى دەپارتامەنتتەردە ولارعا ەلباسىنىڭ جارلىعى تولىقتاي ءتۇسىندىرىلىپ، جيىنعا قاتىسۋدىڭ شارتتارىن ايتىپ بەرۋدە. وسى ماقستاتتا، اسكەريلەر ارنايى كولل-ورتالىعىندا اشىپتى.

- قازاقستان رەسپۋبليكاسىنىڭ قورعانىس جانە قارۋلى كۇشتەرى تۋرالى» زاڭنىڭ 1-بابىنىڭ 6) تارماعىنا سايكەس، توتەنشە جاعدايدى قامتاماسىز ەتۋ ءۇشىن اۋماقتىق كۇشتەردى شاقىرۋ قارۋلى كۇشتەردىڭ باس شتابىمەن كەلىسە وتىرا، جەرگىلىكتى اكىمدىكتەردىڭ قاۋلىلارىمەن ارنايى جيىندارعا شاقىرۋ ارقىلى جۇزەگە اسىرىلادى. جەرگىلىكتى اتقارۋشى ورگاندار اسكەري قىزمەتكە جارامدى تۇلعالاردىڭ سانىن جانە قاجەتتىلىككە، ءار وبلىستاعى اعىمداعى جانە بولجامدى جاعدايعا بايلانىستى ارنايى جىنداردىڭ مەرزىمى مەن وعان قاجەت ادامدار سانىن انىقتايدى، دەدى اتىراۋ وبلىسى قورعانىس ىستەرى جونىندەگى باسقارما باستىعىنىڭ ورىنباسارى كاپيتان جاسۇلان ساتبالديەۆ.

ارنايى جيىن كەزىندە شاقىرىلعان ازاماتتار قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىسى مارتەبەسىن الادى جانە «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭعا سايكەس ولارعا بارلىق الەۋمەتتىك جەڭىلدىكتەر قولدانىلادى. اتاپ ايتقاندا، مەديتسينالىق كومەك، كيىممەن جانە تاماقپەن قامتاماسىز ەتىلەدى. سونىمەن قاتار، اسكەري دايىندىق كەزەڭىندە اسكەري قىزمەتكە جارامدى ادامدار جۇمىس ورنىن جانە لاۋازىمىن ساقتايدى، ولارعا ورتاشا جالاقى تولەنەدى، ال جۇمىس ىستەمەيتىن ادامدارعا مەملەكەت ەسەبىنەن ەڭ تومەنگى جالاقى مولشەرى 42 500 تەڭگە تولەنەتىن بولادى.

 

ماڭعىستاۋ وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار