ايماقتار • 09 ءساۋىر، 2020

اقتوبە وبلىسىندا جەرگىلىكتى ءونىم باعالارى تۇراقتى

19 رەتكورسەتىلدى

8 ءساۋىر، سارسەنبى  كۇنى اقتوبە وبلىسىنىڭ اكىمى  وڭداسىن ورازالين  ۇكىمەت بەكىتكەن الەۋمەتتىك ماڭىزى بار 19 ونىمگە، ياعني، ءبىرىنشى سۇرىپتاعى ۇننان جاسالاتىن نان، قاراقۇمىق، كۇرىش، وسىمدىك مايى، سيىر ەتى، جۇمىرتقا، كارتوپ، قىرىققابات، ءسابىز، جۋا، شەكەر، ايران-ءسۇت، سۇزبەگە بەكىتىلگەن  ازىق-ت ۇلىك باعالارىنىڭ تۇراقتىلىعىن باقىلاۋ ماقساتىندا اقتوبە قالاسىنداعى بىرقاتار كاسىپورىنداردى ارالادى.

ايماق باسشىسى الدىمەن «جاڭاالدجان ۇن زاۋىتى» جشس-ءنىڭ ۇن جانە ماكارون ونىمدەرى قورىن تەكسەردى. جىلىنا 110 مىڭ توننا ۇن، 7،2 مىڭ توننا ماكارون وندىرەتىن كاسىپورىندا جاعداي تۇراقتى. زاۋىت باسشىسى  بەكنۇر بەيسوۆتىڭ ايتۋىنشا كەلەسى ەگىستىك ماۋسىمىنا دەيىن بيداي قورلارى تولىق جەتكىلىكتى، سوندىقتان دا باعانى كوتەرۋگە ەش نەگىز جوقتىعىن ايتادى. قازىر مۇندا كۇنىنە 500 توننا ازىق شىعارىلۋدا.
سۇيىق ماي شىعارۋمەن اينالىساتىن «اقتوبە فۋدس» جشس، «Rokos Group Global» كاسىپورىندارى دا 24 ساعات جۇمىس جاسايدى. وسىمدىك مايىنىڭ 13 ءتۇرىن وندىرەتىن  «اقتوبە فۋدس» جشس جىلىنا 40 000 توننا ءونىم شىعارادى. شۇجىق وڭدەۋشى «Rokos Group Globalدىڭ» قورى 1300 توننا قۇس ەتىمەن تولىققان. الداعى ەكى اي بويى وبلىس نارىعىن قامتۋعا مۇمكىندىگى بار. اتالعان مەكەمەلەردىڭ باسشىلارى وبلىس اكىمىنە ءونىم باعالارىنىڭ  كوتەرىلمەيتىندىگىنە ۋادە بەردى. بۇدان سوڭ ءوڭىر باسشىسى  «اگرووپتسەرۆيس» جشس كوتەرمە بازارىندا جانە «ايبەك» اۋىلدىق تۇتىنۋ كووپەراتيۆىنىڭ ەت كونسەرۆى تسەحىندا بولدى. بازار باسشىسى  بەكبولات بيبولاتوۆ ازىق-ت ۇلىكتىڭ جەتكىلىكتى ەكەنىن ايتتى. ساۋدا ورتالىعىنىڭ قورىندا  400 توننا كارتوپ، 130 توننا ءسابىز، 180 توننا قىرىققابات، 300 توننا جۋا بار.

مۇنداعى ساتۋشىلار ءار تاۋاردىڭ ۇستىنە  كوتەرمە باعادان 5-10 تەڭگە  عانا قويۋدا. «ايبەك» اتك تسەحىندا كونسەرۆىلىك، شۇجىق جانە جارتىلاي فابريكاتتار بولىمدەرى بار. تسەح قۋاتتىلىعى جىلىنا 4680 توننا كونسەرۆى ونىمدەرىن، 1500 توننا شۇجىق ونىمدەرىن، 300 توننا جارتىلاي فابريكاتتاردى قۇرايدى. مال سويۋ الاڭىنا اۋدانداردان  كۇنىنە 50 باستان جوعارى جەتكىزىلەتىن مال سويىلادى. ونىمدەرى وبلىستى عانا قامتىپ قويماي رف جەتكىزىلەدى. وبلىس اكىمى وڭداسىن ورازالين ءسۇتتى قايتا وڭدەۋ زاۋىتى «ايس پليۋس» جشس، «پريگورودنىي» جشس، كوكونىستەردى ءوندىرۋ جانە ساقتاۋ قويماسىنىڭ، جانە «اتامەكەن-نان» جشس جۇمىستارىمەن تانىستى.  «ايس پليۋس» جشس كۇنىنە 35 توننا ءسۇت ونىمدەرىن ۇزدىكسىز وندىرۋدە. 2015 جىلدان بەرى بىرقالىپتى باعانى ۇستانىپ وتىرعاندىعىن جەتىزگەن زاۋىت باسشىسى قۋانىش ەسجانوۆ ناۋرىز ايىنىڭ باسىندا باعادا قۇبىلۋ بولعاندىعىن جاسىرمادى. وعان سەبەپ، ونىمدەردىڭ قورابى رف كەلەتىن بولعاندىقتان، تاۋار سىرتىن كورشى ەل قىمباتتاتقان. دەگەنمەن، الەۋمەتتىك ماڭىزى بار ءونىمنىڭ ءۇش تۇرىندە باعا وزگەرمەگەن. «پريگورودنىي» جشس-دە كوكونىس قورى جەتكىلىكتى. قويما جىلىنا 5000 توننا ءونىم ساقتاۋعا قاۋقارلى،  الداعى ۋاقىتتا  ساقتاۋ ورىندارىنىڭ كولەمىن 2 ەسەگە دەيىن ۇلعايتۋدى جوسپارلايدى.                        

ال كۇنىنە 11-15 توننا نان ونىمدەرىن شىعارۋشى  «اتامەكەن-نان» جشس  اقتوبە قالاسى مەن قارعالى، العا، مارتوك، قوبدا،مۇعالجار اۋداندارىن نانمەن قامتماسىز ەتەدى. 1-ءشى سۇرىپتاعى نانعا دەگەن تۇرعىنداردىڭ سۇرانىسى جوعارى، ءارى دۇكەندەردە 85 تەڭگەدەن ساتىلۋدا.
اتقارۋشى ورگان رەتىندە  ءبىزدىڭ ماقساتىمىز، جەرگىلىكتى تۇرعىنداردىڭ الەۋمەتتىك ازىق-ت ۇلىكتەردەن تارشىلىق كورمەۋىن قامتاماسىز ەتۋ، باعانىڭ شارىقتاۋىنا جول بەرمەۋ ەكەندىگىن جەتكىزگەن وبلىس اكىمى وڭداسىن ورازالين ورىنباسارى امانعالي بەردالينگە  كۇندەلىكتى قاجەتتى ونىمدەردىڭ باعاسىن ۇنەمى قاداعالاپ وتىرۋدى تاپسىردى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار