قاي عاسىر, قاي داۋىردە بولسىن ۇلت تاعدىرىنا كەزىككەن سىن ساعاتتار بولدى. بىردە جاۋگەرشىلىك, بىردە جۇت, تاعىسىن تاعى. تاريحتىڭ قاي سوقپاعى بولسىن قازاق حالقى شىرعالاڭنان جول تاۋىپ, قيىندىقتار مەن داعدارىستاردا مويىماي, كەساپات پەن كەسىردى بىرلىك, ىنتىماقپەن جەڭىپ وتىرعان. ەل بيلەگەن سۇلتاندار, بي-دانالار مەن ابىزدار ەلدى كەسىمدى ءبىر سوزىمەن توقتاتىپ, جاقىندى بارلاپ, الىستى بولجاپ ءپاتۋا قىلعان.
سول ءبىر اتا ءداستۇردىڭ جولىمەن تۇڭعىش پرەزيدەنتىمىز نۇرسۇلتان نازارباەۆتىڭ «بىرلەسە بىلگەن ەل ءبارىن جەڭەدى» اتتى ماقالاسى حالىققا جول تارتتى. 2020 جىلى الەمدى الاڭداتقان, ادامزاتتى ابىگەرگە سالعان, الەمدىك ەكونوميكانىڭ دامۋ قارقىنىن, تۇتىنۋشى قوعامنىڭ تىرشىلىگىن ءبىر پاستە باياۋلاتىپ, كۇتپەگەن اۋىرتپاشىلىققا تۇتقيىلدان اكەلگەن كوروناۆيرۋس دەرتىمەن كۇرەس جاعدايىندا ەلدى سابىرعا, ىنتىماققا, بىرلىككە شاقىرعان ۇندەۋ – ماڭگىلىك ەلدىڭ بۇگىنگى كۇن ءتارتىبى. بۇل اعا ۇرپاققا – حات, اتقامىنەرگە – باعىت, جاستارعا – نۇسقاۋلىق. باعالاي بىلگەنگە – بولاشاققا باعدار, سارالاي بىلگەنگە – سانالى وي, ۇعىنا بىلگەنگە ۇلت تاعدىرى دەر ەدىم.
امالبەك ءومىرتاي,
تۇركىستان وبلىستىق جاستار رەسۋرستىق ورتالىعىنىڭ باسشىسى
