ايماقتار • 08 ءساۋىر، 2020

ماڭعىستاۋ: ءااۇ 42500 تەڭگەنى الۋعا جولدانعان 6626 مىڭنان استام ءوتىنىشتى وڭدەدى

209 رەتكورسەتىلدى

«ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اق ماڭعىستاۋ وبلىسى فيليالىنىڭ  الەۋمەتتىك بلوگى 42500 تەڭگەنى الۋعا جولدانعان 6626 مىڭنان استام ءوتىنىشتى وڭدەدى، 31 ناۋرىزدا مەملەكەت باسشىسى قاسىم-جومارت توقاەۆ زەينەتاقى مەن مەملەكەتتىك جاردەماقىنى، ااك پەن الەۋمەتتىك كومەكتى قوسا العاندا، جىلدىق ماندە 10% يندەكساتسيالاۋدى تاپسىرعان بولاتىن دەپ حاباراليدى اتالعان فيليالدىڭ ءباسپاسوز قىزمەتى.

سونىمەن قاتار، توتەنشە جاعداي كەزىندە تابىسىنان ايىرىلعاندارعا، سونداي-اق قيىن جاعدايعا تاپ بولعان ءوزىن-ءوزى جۇمىسپەن قامتىعاندارعا 1 ەتج نەمەسە 42 500 تەڭگە تولەۋدى تاپسىردى. بولجام بويىنشا، قولداۋ ءۇشىن 3 ميلليونعا جۋىق قازاقستاندىق ءوتىنىش ءبىلدىرۋى مۇمكىن.

مەملەكەت باسشىسىنىڭ شۇعىل تاپسىرماسىن ورىنداۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اق الەۋمەتتىك بلوگىنىڭ قىزمەتكەرلەرىنە جۇكتەمە 4 ەسەگە ارتتى. «ازاماتتارعا ارنالعان ۇكىمەتتىڭ» ماڭعىستاۋ وبلىسى بويىنشا فيليالىنىڭ ۇجىمى الەۋمەتتىك تۇراقتىلىقتى ساقتاۋ ءۇشىن، پرەزيدەنتتىڭ قايتا ەسەپتەۋ جونىندەگى تاپسىرماسىن ورىنداۋ ماقساتىندا ونلاين قىزمەت كورسەتۋگە كىرىستى. فيليالدىڭ ءباسپاسوز قىزمەتىنىڭ حابارلاۋىنشا، بۇل جۇمىسقا فيليالدىڭ الەۋمەتتىك بلوگىنىڭ 64 قىزمەتكەرى جۇمىلدىرىلعان.

- جۇمىس كەستەسى تاڭعى ساعات 8.00-دەن باستالىپ 22.00-گە دەيىن، كەيدە ودان دا ۇزاققا سوزىلۋدا. ولار ازاماتتاردىڭ وتىنىشتەرىن قابىلدايدى، تەكسەرەدى جانە ۋاكىلەتتى ورگانعا جىبەرەدى. الەۋمەتتىك ساقتاندىرۋ جونىندەگى مەملەكەتتىك قوردىڭ (گفسس) راستاۋىنان كەيىن قۇجاتتاردى تولەم جاساۋ ءۇشىن بازاعا ەنگىزەدى. بۇگىندە دەيىن رەسپۋبليكا بويىنشا كەلىپ تۇسكەن 1 ميلليون 200 مىڭعا جۋىق ءوتىنىشتىڭ 6463 مىڭنان استامى ماڭعىستاۋ وبلىسىنىڭ  ۇلەسىندە. فيليال قىزمەتكەرلەرى ولاردى وڭدەپ، تولەم جاساۋدى قامتاماسىز ەتۋدە، - دەيدى فيليال ديرەكتورى ەربول بايجىگىت.

«ازاماتتارعا ارنالعان ۇكىمەت مەملەكەتتىك كورپوراتسياسى» كوممەرتسيالىق ەمەس اكتسيونەرلىك قوعامى ماڭعىستاۋ وبلىسى بويىنشا فيليالى قازىرگى تاڭدا تولىعىمەن ونلاين قىزمەت كورسەتۋگە كوشتى. قىزۋ جەلى بويىنشا جالپى سانى 105 وپەراتور قوڭىراۋ قابىلداپ وتىر. ولاردىڭ ىشىندە 88 مەنەدجەر قاشىقتان تۇرعىنداردىڭ ساۋالدارىنا جاۋاپ بەرىپ، بەينەقالاۋ ارقىلى ونلاين تۇردە قاجەتتى قۇجاتتارىن راسىمدەۋگە كومەكتەسۋدە. جالپى وبلىس بويىنشا كۇنىنە 7000-عا جۋىق قوڭىراۋعا جاۋاپ بەرىلدى.

 

 

ماڭعىستاۋ وبلىسى

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار