ايماقتار • 08 ءساۋىر، 2020

ماڭعىستاۋ: سپورتشىلار قان تاپسىرىپ جاتىر

109 رەتكورسەتىلدى

ماڭعىستاۋ وبلىسى قان ورتالىعىنا كەلۋشىلەر قاتارىندا الەمدىك ارەنالاردا اتوي سالىپ جۇرگەن سپورت ساڭلاقتارى بار. سونداي-اق باپكەرلەر جانە سپورت مەكتەپتەرىنىڭ باسشىلارى دا شەت قالمادى. بوكسشىلار، پالۋاندار، كاراتەشىلەر جانە تاعى باسقا جاۋىنگەرلىك كلۋبتارىنىڭ وكىلدەرى بەلسەندى تۇردە قان تاپسىرۋدا. بۇل تۋرالى ماڭعىستاۋ وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى حابارلادى.

ماڭعىستاۋ وبلىسى دەنە شىنىقتىرۋ جانە سپورت باسقارماسىنىڭ باسشىسى نۇربەك قارابالاەۆتىڭ ايتۋىنشا، سپورت ساڭلاقتارى قاتارىندا تۇراقتى دونورلار جانە العاش رەت قان تاپسىرعاندار بار. قر ەڭبەك سىڭىرگەن جانە حالىقارالىق دارەجەدەگى سپورت شەبەرلەرى، سونداي-اق بولاشاعىنان زور ءۇمىت كۇتتىرەتىن جاس سپورتشىلاردى اتاپ وتۋگە بولادى.

- ماڭعىستاۋدا قاننىڭ جانە ونىڭ كومپونەنتتەرى ەڭ تومەنگى شەككە جەتكەندىگىن بۇقارالىق اقپارات قۇرالدارى جانە الەۋمەتتىك جەلىلەردەن كورگەن بولاتىنبىز. بەيجاي قاراپ وتىرا المادىق. ءوز ەركىمەن قولداۋ بىلدىرۋگە نيەت بىلدىرگەندەر كوپ بولدى. شۇكىر، ءبىزدىڭ وڭىردە سپورت ۇيىرمەلەرى كوپ، بۇل ۇيىمشىلدىقتىڭ بەلگىسى دەپ بىلەمىن، - دەيدى ول.

ماسەلەن، دونور بولعاندار قاتارىندا بوكستان قر ەڭبەك سىڭىرگەن سپورت شەبەرى، وليمپيادا رەزەرۆىن دايارلايتىن بالالار-جاسوسپىرىمدەر وبلىستىق مامانداندىرىلعان سپورت مەكتەبىنىڭ ديرەكتورى، الەم چەمپيونى، شويىن جۇدىرىقتى ەردوس جاڭابەرگەنوۆ بار.

اقتاۋ قالالىق دەنە شىنىقتىرۋ جانە سپورت ءبولىمىنىڭ باسشىسى بولات دوسوۆ بولسا، بۇعان دەيىن دە بىرنەشە رەت قان تاپسىرعان. ساۋاپتى ىسكە اتسالىسۋدى جانە ءوز دەنساۋلىعىنا پايدالى ەكەندىگىن ەسكەرىپتى.

- قاننىڭ جانە ونىڭ كومپونەنتتەرىنە سۇرانىس ءاردايىم جوعارى بولاتىنى ايتپاسا دا بەلگىلى. وسى باستاماعا قولداۋ بىلدىرگەن ءاربىر سپورتشىعا ءدان ريزا بولدىق. دونور بولعان سپورتشىلار وزدەرىن ەرلىك جاسادىق دەپ ويلامايدى، ولار بۇل باستامانى ازاماتتىق پارىزىمىز دەپ بىلەدى. قان تاپسىرۋعا نيەت ءبىلدىرۋشىر ءالى دە كوپ بولارىنا كۇمان كەلتىرمەيمىن، - دەيدى بولات بەكسيىق ۇلى.

ءوز كەزەگىندە وبلىستىق قان ورتالىعىنىڭ وكىلدەرى ەرىكتى دونور بولعان سپورت ساڭلاقتارىنا شەكسىز العىسىن بىلدىرۋدە جانە الداعى كۇندەرى قان قورى قايتا بۇرىنعى قالپىنا كەلەدى دەپ سەنەدى.

سونىمەن قاتار الداعى ۋاقىتتا كاسىپكەرلەر، مەملەكەتتىك قىزمەتشىلەر، اسكەريلەر، قۇقىق قورعاۋ ورگاندارىنىڭ جانە باسقا دا سالانىڭ وكىلدەرى بەلسەندى تۇردە دونور بولارىنا سەنىم ارتىلۋدا. دارىگەرلەر قان تاپسىرۋ ادامنىڭ اعزاسىنا ەشقانداي زيان تيگىزبەيتىنىن، كەرىسىنشە پايداسى زور ەكەندىگىن ەسكە سالادى. ونىڭ ۇستىنە ءبىر ادامنىڭ قانى ءۇش ناۋقاستىڭ ءومىرىن امان الىپ قالادى

ەسكە سالا كەتەيىك، بۇعان دەيىن ماڭعىستاۋدا قان تاپشىلىعى بايقالۋدا ەكەنىن جازعان بولاتىنبىز.

 

ماڭعىستاۋ وبلىسى

 

 

 

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار