كوروناۆيرۋس • 08 ءساۋىر، 2020

كوروناۆيرۋس: جاڭاوزەن قالاسىندا ءبىر ناۋقاس تىركەلدى

287 رەتكورسەتىلدى

بۇل تۋرالى ماڭعىستاۋ وبلىسىنىڭ اقپاراتتىق قىزمەتى حابارلادى. ماڭعىستاۋ وبلىستىق دەنساۋلىق ساقتاۋ باسقارماسىنىڭ حابارلاۋىنشا، 2020 جىلدىڭ 8 ساۋىرىندە جاڭاوزەن قالالىق اۋرۋحاناسىنىڭ پروۆيزورلىق بولىمىندە كۇدىكتى ءبىر ناۋقاستا COVID-19 انىقتالدى.

ناۋقاس 1974 جىلى تۋعان جاڭاوزەن قالاسىنىڭ تۇرعىنى، ول دەنە قىزۋى كوتەرىلىپ، جەدەل-جاردەم كومەگىنە جۇگىنگەن. قان تالدامالارى الىنىپ، ىندەتتىڭ بەلگىلەرى انىقتالدى. ناۋقاسقا قاجەتتى زەرتحانالىق جانە دياگنوستيكالىق تەكسەرىستەر جۇرگىزىلگەن سوڭ، ينفەكتسيالىق ءبولىمىنىڭ بوكس پالاتاسىنا اۋىستىرىلدى. دارىگەر-ماماندار (ينفەكتسيونيست، رەانيماتولوگ، تەراپەۆت) ماتەريالدىق تەحنيكالىق قۇرالدارى جانە جەكە قورعانىش قۇرالدارىمەن تولىققاندى قامتىلدى.

قازىر ينفەكتسيا انىقتالعان وشاققا جانە ونىڭ اۋماعىنا دەزينفەكتسيالاۋ جۇمىستارى جۇرگىزىلۋدە. بايلانىستا بولعاندار سانىن انىقتاۋ بويىنشا ەپيدەميولوگيالىق تەكسەرىستەر مەن ءىس شارالار جۇرگىزىلىپ جاتىر. ناۋقاستىڭ قايدا جۇمىس ىستەگەنى، كىمدەرمەن بايلانىستا بولعانى انىقتالىپ جاتىر. جاڭاوزەن قالاسى بويىنشا بۇگىنگى تاڭدا كارانتيندىك ستاتسيوناردا – 9 ازامات، ءۇي كارانتينىندە - 23 ازامات باقىلاۋدا.

سونىمەن ماڭعىستاۋ وبلىسىندا ىندەت جۇقتىرعاندار سانى 6 ادامعا جەتتى.

 

 

ماڭعىستاۋ وبلىسى

سوڭعى جاڭالىقتار

ۇقساس جاڭالىقتار