ايماقتار • 07 ءساۋىر، 2020

ماڭعىستاۋ: توتەنشە جاعداي تالاپتارىنا باعىنباي جۇمىسىن جۇرگىزگەن ساۋنا انىقتالدى

199 رەتكورسەتىلدى

ماڭعىستاۋ وبلىسى پد كريمينالدىق پوليتسيا باسقارماسىنىڭ قىزمەتكەرلەرى توتەنشە جاعداي رەجيمى تالاپتارىنا قاراماستان ءوز قىزمەتىن جالعاستىرعان ساۋنانى انىقتادى، دەپ حابارلادى ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتى.

سونىمەن 06.04.2020 جىلى ساعات 23:23-تە پروفيلاكتيكالىق ءىس-شارالار بارىسىندا سۋ پروتسەدۋرالارىن قابىلداپ، بيليارد ويناي وتىرىپ، سپيرتتىك ىشىمدىكتەردى قولدانىپ، بارلىق سانيتارلىق-گيگيەنالىق نورمالاردى ساقتاماي، ۋاقىتتى «تاماشا» وتكىزگەن 5 ادامنان تۇراتىن جاستار توبى انىقتالدى. وتىرعاننىڭ ەش بىرەۋى قالاداعى كارانتين تۋرالى ەستىمەگەن دەگەن پىكىر قالىپتاستى.

مەكەمە اكىمشىسىنە قازاقستان رەسپۋبليكاسىنىڭ اقبتك-ءنىڭ 476-بابى بويىنشا اكىمشىلىك حاتتاما تولتىرىلىپ، كەلۋشىلەر دە وسى باپ بويىنشا جاۋاپكەرشىلىككە تارتىلدى. ءىس ماتەريالدارى شەشىم قابىلداۋ ءۇشىن سوتقا جىبەرىلەتىن بولادى. كەيبىر ازاماتتاردىڭ جاۋاپسىزدىعىنىڭ دەڭگەيى تاڭ قالدىرادى، ولار بۇگىنگى كۇنى ومىرلىك ماڭىزدى تالاپتاردى ەلەمەي، ءوز دەنساۋلىعىنا عانا ەمەس، اينالاداعى ادامداردىڭ ومىرىنە دە قاۋىپ توندىرەدى.

ءبىز تۇرعىندارعا مەن قوناقتارىنا وسى باعىتتاعى جۇمىستار جالعاستىرىلاتىنى تۋرالى ەسكەرتكىمىز كەلەدى جانە بىزگە كەلىپ تۇسكەن ءاربىر اقپاراتتى تەكسەرەمىز، دەلىنگەن اتالعان ۆەدومستۆو جولداعان حابارلامادا.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار