«ەرىكتىلەردىڭ تاعى ءبىر اعىمى مىندەتتى مەديتسينالىق تەكسەرۋدەن ءوتتى. اسكەري قىزمەتكە جارامدى ادامدار توتەنشە جاعداي رەجيم قامتاماسىز ەتۋ اياسىندا بلوك-بەكەتتەردە قىزمەت ەتەدى, ەلدى-مەكەندەر مەن ينفەكتسيا وشاقتارى بار قالا نىساندارىن كۇزەتەدى», - دەدى نۇر-سۇلتان قالاسى قورعانىس ىستەرى جونىندەگى دەپارتامەنت باسشىسى اقجولتاي ۋالياحمەتوۆ.
«مەن اسكەري ەسەپكە الۋ جانە شاقىرۋ بولىمىنە ءوز ەركىممەن كەلدىم. مەديتسينالىق تەكسەرىستەن ءوتىپ, قىزمەتكە جارامدىلار قاتارىنا قوسىلامىن دەپ ويلايمىن. ءاربىر اسكەري قىزمەتكەر جاۋاپكەرشىلىك تانىتىپ, قيىن ۋاقىتتا ءوز ەلىنە كومەك كورسەتۋى كەرەك», - دەيدى زاپاستاعى اسكەري قىزمەتكەر ەرسايىن بالعاباەۆ.
ايتا كەتەيىك, 3 ساۋىردە مەملەكەت باسشىسى قاسىم-جومارت توقاەۆ اسكەري قىزمەتشىلەردى ارناۋلى جيىنعا شاقىرۋ تۋرالى جارلىققا قول قويدى. ارناۋلى جيىن وتكىزىلگەن كەزدە اسكەري قىزمەتكە شاقىرىلۋشىلار تاماقپەن, كيىم-كەشەك جانە جالاقىمەن تولىق قامتاماسىز ەتىلەدى.
اسكەري مىندەتتىلەر قالاداعى وقۋ ورىندارىنىڭ جاتاقحاناسىنا ورنالاستىرىلادى. نۇر-سۇلتان قالاسىنداعى ارناۋلى اسكەري دايىندىققا بارعىسى كەلەتىندەر 32-70-80 تەلەفون نومەرى ارقىلى قالالىق قورعانىس ىستەرى جونىندەگى بولىمگە قوڭىراۋ شالا الادى.
