رۋحانيات • 06 ءساۋىر، 2020

ۇلتتىق online ايتىس وتكىزبەك

40 رەتكورسەتىلدى

قازاقستان تاريحىندا العاش رەت سىبايلاس جەمقورلىققا قارسى ءىس-قيمىل اگەنتتىگى مەن اگەنتتىك جانىنداعى رەسپۋبليكالىق اقپاراتتىق-اعارتۋشىلىق شتابتىڭ باستاماسىمەن حالىق شىعارماشىلىعىنىڭ قايتالانباس سايىسى – ايتىس ونلاين رەجىمدە وتەدى.

ايرىقشا ءىس-شاراعا رەسپۋبليكانىڭ وڭىرلەرىنەن 16 سۋىرىپ سالما اقىن  قاتىسادى، ولاردىڭ ىشىندە مۇحتار نيازوۆ، اسپانبەك شۇعاتاەۆ، سىرىم اۋەزحان، دانيار الدابەرگەنوۆ، جۇلدىزاي ماراتبەكوۆا سەكىلدى حالىقارالىق جانە رەسپۋبليكالىق ايتىستاردىڭ جۇلدەگەرلەرى مەن جەڭىمپازدارى بار.

الداعى بايقاۋدىڭ تاعى ءبىر ەرەكشەلىگى – سايىس سىبايلاس جەمقورلىققا قارسى تاقىرىپقا ارنالادى.

سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆتىڭ ايتۋىنشا: «وزەكتى ماسەلەلەردى ولەڭمەن كوپشىلىك الدىندا ايتۋ ءبىزدىڭ ەلدىڭ ەجەلگى ءداستۇرى. ءبىز قوعامداعى سىبايلاس جەمقورلىق كورىنىستەرىنە مۇلدەم توزبەۋدى دارىپتەۋ ءۇشىن ەڭ ءتيىمدى مادەني قۇرال رەتىندە قازاق ايتىسىن پايدالانۋعا مىندەتتىمىز».

جالپى كارانتين كەزەڭىندە ونلاين رەجيمدە حابار تاراتۋدىڭ شەكتەۋسىز قول جەتىمدىلىگى ارقىلى بارلىق قالىڭ بۇقارا قامتىلادى دەپ كۇتىلۋدە. جارىس 9 ساۋىردە باستالادى، قاتىسۋشىلاردىڭ جەرەبە تارتۋى مەن جۇپتاردى بولۋدەن باستالادى. 9 جانە 19 ءساۋىر ارالىعىندا 1/8، 1/4 جانە 1/2 فينالدارى وتەدى. ونلاين ايتىستىڭ فينالى 2020 جىلدىڭ 18 جانە 19 ساۋىرىنە جوسپارلانعان.

سايىستىڭ ءوتۋ بارىسىن بارلىق نيەت بىلدىرۋشىلەر شتابتىڭ الەۋمەتتىك جەلىلەردەگى رەسمي پاراقشالارىنان كورە الادى: Facebook-تە «رەسپۋبليكالىق اقپاراتتىق اعارتۋشىلىق شتاب»، Instagram-دا جانە YouTube-تە «anticor_shtab_kz» پاراقشالارى.

جەڭىمپازدار «Antiسor_shtab_kz» تەلەگرام ارناسىندا ونلاين داۋىس بەرۋ جانە مەملەكەت جانە قوعام قايراتكەرى، فيلولوگيا عىلىمدارىنىڭ دوكتورى، پروفەسسور مىرزاتاي جولداسبەكوۆتىڭ توراعالىق ەتۋىمەن قازىلار القاسىنىڭ اراسىندا داۋىستى پايىزدىق قاتىناستا ءبولۋ ارقىلى انىقتالادى.

باس جۇلدەگە «التىن وردا» اۆتورلىق ديزاين ءۇيى Tengri ەكسكليۋزيۆتى ەتنو-ينستاللياتسياسىن جانە ء«بىز بىرگەمىز» لوگوتيپىمەن كادەسىي ۇسىنادى.

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار