قازاقستان • 06 ءساۋىر، 2020

قوسىمشا اسكەري-مەديتسينالىق مەكەمەلەر قىزمەتكە دايىندالدى

18 رەتكورسەتىلدى

قازاقستان قارۋلى كۇشتەرىنىڭ اسكەري-مەديتسينالىق قىزمەتى اسكەري-مەديتسينالىق مەكەمەلەر مەن قىزمەتكەرلەردى، جابدىقتار مەن قۇرالداردى ناۋقاستاردى قابىلداۋعا، ەمدەۋگە جانە كارانتينگە دايىنداۋ بويىنشا قوسىمشا شارالار قابىلدادى.

سونىمەن قاتار، باس اسكەري كلينيكالىق گوسپيتالدىڭ انەستەزيولوگيا، رەانيماتسيا جانە قارقىندى تەراپيا بولىمشەسى دايارلىققا كەلتىرىلدى. ول اتالمىش پنەۆمونيانىڭ ەڭ كۇردەلى جاعدايلارىن، سونىڭ ىشىندە ۆيرۋستى جاعدايلاردى ەمدەۋگە مۇمكىندىك بەرەتىن زاماناۋي وكپەنى جاساندى جەلدەتۋ قۇرالدارىمەن جابدىقتالعان. مەديتسينالىق جابدىقتاردىڭ تولىق ءىس-əرەكەتى وكپەنىڭ اۋىر جاعدايى بار ناۋقاستارعا دياگنوستيكا، ەمدەۋ جانە باقىلاۋ جۇرگىزۋگە، رەانيماتسيالىق كومەك كورسەتۋگە مۇمكىندىك بەرەدى.

بولىمشەنىڭ جەكە قۇرامى قاجەتتى قورعانىس قۇرالدارىمەن جانە 2-3 دارەجەلى قورعانىش كيىمدەرىمەن قامتاماسىز ەتىلگەن. كۇن سايىن مەديتسينالىق ماماندارمەن COVID-19 ناۋقاستارىنىڭ كەلىپ ءتۇسۋى جاعدايىندا ارەكەت الگوريتمى بويىنشا ساباقتار مەن ارنايى ترەنينگتەر وتكىزىلەدى.

بۇدان بولەك، اسكەري گوسپيتالدار مەن لازارەتتەردە دايىندالعان جۇقپالى اۋرۋلار بولىمشەلەرىنە قوسىمشا جاقىن ارادا الماتىدان 30 شاقىرىم جەردە زاماناۋي ءموبيلدى دالالىق گوسپيتال اشىلدى. تارازدان تاسىمالداۋدى قوسا العاندا، تولىق گوسپيتالدى ورىستەتۋ ءۇشىن تەك 2،5 تاۋلىك قاجەت بولدى. 100 توسەك-ورىنعا ارنالعان گوسپيتال قابىلداۋ جانە دياگنوستيكالىق بولىمشەلەردەن، وپەراتسيالىق بلوكتاردان، انەستەزيولوگيا جانە رەانيماتسيا بولىمشەسىنەن، ەۆاكۋاتسيالىق بولىمشەدەن، ورديناتورلىق بولمە مەن ءدارىحانادان تۇرادى. ول رەنتگەندىك تەكسەرۋ جۇرگىزۋگە ارنالعان ساپالى جابدىقتارمەن، وكپەنى جاساندى جەلدەتۋ زەرتحانالارىمەن جانە قۇرالدارمەن جابدىقتالعان.

گوسپيتال جىلىتۋ جانە اۋا باپتاۋ جۇيەلەرىمەن جابدىقتالعان، سونداي-اق تازالىق توراپتارى مەن جۋىنۋ بولمەلەرى بار.

ونىڭ جانىندا 300 ورىندىق ەكى عيمارات جوندەلىپ، كارانتين كەزەڭىندە پايدالانۋعا دايىن تۇر، وعان قوسا 500 ورىندىق شاتىرلى لاگەر اشىلىپ، كارانتين كەزەڭىندە پايدالانۋعا دايىن تۇر،

سونىمەن قاتار، نۇر-سۇلتاندا دا قوسىمشا رەزەرۆتىك اسكەري-مەديتسينالىق قور دايىندالدى. ەلوردادا ەكى عيماراتتا 160 ورىن دايىندالىپ، سونداي-اق 500 ورىندىق شاتىرلى لاگەر اشىلىپ، ناۋقاستارعا كومەك كورسەتۋ بويىنشا əزىرلىككە كەلتىرىلدى.

اسكەري-مەديتسينالىق قىزمەتتىڭ كۇشتەرى مەن قۇرالدارى قىسقا مەرزىمدە كوروناۆيرۋسقا قارسى كۇرەسكە جۇمىلدىرىلعان. اسكەري دارىگەرلەر ينفەكتسيانىڭ تارالۋى مەن الدىن الۋ شارالارىن ازىرلەپ، ەنگىزدى. ولار اسكەري قىزمەتشىلەردىڭ دەنساۋلىق جاعدايىن باقىلاۋدا ۇستايدى جانە باسقا مەملەكەتتىك ورگاندارعا كومەك كورسەتەدى.

سوڭعى جاڭالىقتار

ۇقساس جاڭالىقتار