قازاقستان • 06 ءساۋىر، 2020

اسكەري ۇشقىشتار كۇشەيتىلگەن قىزمەت رەجىمىنە كوشىرىلدى

259 رەتكورسەتىلدى

قازاقستاندا توتەنشە جاعداي رەجيمىن قامتاماسىز ەتۋ جونىندەگى ءىس-شارالارعا العاشقى كۇننەن باستاپ قارۋلى كۇشتەر، ونىڭ ىشىندە اۋە قورعانىس كۇشتەرى دە بەلسەندى تۇردە قاتىسۋدا.

قازاقستان اسكەري اۋە كۇشتەرىنىڭ اۆياتسيالىق بازالارى ارقاشان جاۋىنگەرلىك دايىندىقتا، سونىمەن قاتار اسكەري-كولىكتىك،اسكەري جانە مايدان اۆياتسياسىنىڭ دايارلانعان ۇشۋ قۇرامدارى بار. اسكەري ۇشقىشتار كۇشەيتىلگەن قىزمەت رەجيمىنە كوشىرىلدى جانە كوماندا بويىنشا قويىلعان مىندەتتەردى ورىنداۋعا دايىن. قاراپايىم جانە كۇردەلى مەتەورولوگيالىق جاعدايلاردا، كۇندىز جانە تۇندە دە جولاۋشىلاردى، جۇكتەردى تاسىمالداۋعا ءتيىستى رۇقساتى بار ۇشۋ ەكيپاجدارىنىڭ تاۋلىكتىك كەزەكشىلىگى ۇيىمداستىرىلدى.

توتەنشە جاعداي كەزىندە وزدەرىنىڭ جاۋىنگەرلىك دايىندىعىن اسكەري-كولىك اۆياتسياسىنىڭ ەكيپاجدارى كورسەتتى. جاقىندا س-295 ۇشاقتارىندا دەزينفەكتسيالاۋ، بلوك بەكەتتەرىندەگى كەزەكشىلىكتى اتقارۋ، ەلدى مەكەندەردى پاترۋلدەۋ بويىنشا مىندەتتەردى ورىنداۋ ءۇشىن قۇرلىق اسكەرلەرى مەن ارنايى جۇكتەردىڭ جەكە قۇرامىن لۋگوۆوي جانە جەتىگەن گارنيزوندارىنان ورال، قوستاناي جانە پەتروپاۆل قالالارىنا اۋىستىرۋ جۇزەگە اسىرىلدى. اسكەري ۇشقىشتاردىڭ بارلىعى 350-دەن استام اسكەري قىزمەتشى مەن 10 توننادان استام جۇك تاسىمالىن جۇزەگە اسىردى.

ء«بىزدىڭ ءبولىمنىڭ اۆياتسيالىق تەحنيكاسىنىڭ تەحنيكالىق جانە جاۋىنگەرلىك جاعدايى، سونداي-اق ەكيپاجدىڭ دايىندىعى قويىلعان مىندەتتەردى تاۋلىك بويى جانە كەز كەلگەن مەتەوجاعدايلاردا ورىنداۋعا مۇمكىندىك بەرەدى. بۇگىنگى كۇنى ءبىزدىڭ اۆياتسيالىق بازادا توتەنشە جاعداي كەزىندە مىندەتتەردى ورىنداۋ ءۇشىن اسكەري-كولىكتىك جانە اسكەري اۆياتسيانىڭ دايىندالعان ۇشۋ قۇرامدارى بار. 24 ساعات بويى اسكەري ۇشقىشتار ءبىرىنشى كوماندا بويىنشا قازاقستان ازاماتتارىنىڭ دەنساۋلىعىن ساقتاۋعا باعىتتالعان مىندەتتەردى ورىنداۋ ءۇشىن ۇشۋلاردى جۇزەگە اسىرۋعا دايىن»، – دەپ اتاپ ءوتتى 53975 اسكەري ءبولىمىنىڭ كومانديرى پولكوۆنيك نۇرلان بايدۋلاەۆ.

سونىمەن قاتار، اسكەري-كولىكتىك اۆياتسيانىڭ كۇشىمەن ەلگە قارعىزستان، تاجىكستان، ساۋد ارابياسى مەن كۋۆەيتتەن وتانداستارىمىز، ونىڭ ىشىندە شەت مەملەكەتتە ەم قابىلداپ جاتقان بالالار دا ەۆوكۋاتسيالاندى.

كەنەتتەن تۋىنداعان مىندەتتەردى ورىنداۋعا ازىرلىكتى ۇستاپ تۇرۋ، سونداي-اق ۇشۋ شەبەرلىگىنىڭ دەڭگەيىن ارتتىرۋ ءۇشىن ءتىپتى توتەنشە جاعداي رەجيمى كەزىندە دە وقۋ-جاتتىعۋ ۇشۋلارى توقتاتىلمايدى. ۇشقىشتار اپتاسىنا ءۇش رەت ءتيىستى جاتتىعۋلار مەن نورماتيۆتەردى قامتيتىن ۇشۋلاردى ورىندايدى. ءاربىر ۇشۋدىڭ الدىندا ۇشۋ الدىنداعى باقىلاۋ دايىندىعى مەن ۇشۋ الدىنداعى نۇسقاۋلار جۇرگىزىلەدى.

جاۋىنگەرلىك دايىندىقتان باسقا اسكەري ۇشقىشتار مەن اۆيامامامامانداردىڭ دەنساۋلىق جاعدايى دا باقىلاۋدا. بارلىعى كوروناۆيرۋس سيمپتومدارىمەن جانە سانيتارلىق-گيگيەنالىق نورمالارمەن تانىسقان. دەنساۋلىق قاۋىپسىزدىگىن قامتاماسىز ەتۋ ماقساتىندا ۇشۋ جانە ينجەنەرلىك-تەحنيكالىق قۇرامدارى كۇن سايىن مەديتسينالىق تەكسەرۋدەن وتەدى. اتاپ ايتقاندا قان قىسىمىن ولشەۋ، تەرمومەتريانى جانە قاجەت بولعان جاعدايدا باسقا دا تەكسەرۋلەر قامتىلادى.

اسكەري مەديكتەر مەن بيولوگيالىق قورعاۋ بولىمشەلەرى اۆياتسيالىق تەحنيكانىڭ، كازارمالىق ءۇي-جايلاردىڭ، وقۋ سىنىپتارىن ارنايى ەرىتىندىلەرىمەن كۇندەلىكتى سانيتاريالىق جانە دەزينفەكتسيالىق وڭدەۋدى جۇزەگە اسىرادى. ۇشىپ كەلگەننەن كەيىن بارلىق اۋە كەمەلەرى ارنايى دەزينفەكتسيالاۋ قۇرالدارىمەن وڭدەلەدى، ال ەكيپاج مەديتسينالىق تەكسەرۋدەن وتەدى.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار