- زياتكەرلىك مەكتەپتەر Microsoft Teams باعدارلاماسىنىڭ كومەگىمەن ساباق بەرە باستادى. العاشقى ساباق وتە قىزىقتى ءوتتى. ساباققا قوسىلعان وقۋشىلارىمىزدىڭ بارلىعى دەرلىك مەكتەپ فورماسىن كيىپ, جاڭا فورماتتا ساباق وقۋعا دايىن ەكەندەرىن كورسەتتى. پلاتفورماداعا ساباق ەش قيىندىقسىز ءوتتى, دەيدى 30 جىلدىق تاجىريبەسى بار ورىس ءتىلى ءپانىنىڭ مۇعالىمى زويا تۋلياەۆا.
وقۋشىلار دا پلاتفورمانىڭ تيىمدىلىگىن ەرەكشە اتاپ ءوتتى.
-ماعان باعدارلاما بارىسىندا تۇرتپە جاساپ وتىرۋعا ارنالعان فۋنكتسيا ەرەكشە ءتيىمدى بولىپ كورىندى. تاعى ءبىر تيىمدىلىك, ءوتىپ كەتكەن ساباقتى قايتالاپ كورۋ مۇمكىندىگى. بۇلاي ساباق وقۋ ىڭعايلى بولعانىمەن, ءبىز مەكتەپتى, جۇزبە-ءجۇز وتكىزىلەتىن ساباقتاردى, ۇستازدارىمىزدى ەرەكشە ساعىندىق, دەيدى ءبىلىم ورداسىنىڭ 12-سىنىپ وقۋشىسى الىبەك جاناەۆ.
ايتا كەتەيىك, قازىرگى تاڭدا اقتاۋ قالاسىنداعى نازارابەۆ زياتكەرلىك مەكتەبىندە 706 بالا قاشىقتان ءبىلىم الىپ جاتىر. بۇرىن 80 مينۋت وتكىزىلىپ كەلگەن ساباقتار 40 مينۋتتان, ال 40 مينۋتتىق ساباقتار 20 مينۋتتان وتكىزىلۋدە. ءار ساباق اراسىندا وقۋشىلار 10 مينۋتتىق ءۇزىلىس جاساپ, دەنە شىنىقتىرۋعا, كوزدى ساقتاۋعا ارنالعان جاتتىعۋلار جاسايدى.
ماڭعىستاۋ وبلىسى
