ولار 3 ءساۋىر كۇنى كوروناۆيرۋس ينفەكتسياسى انىقتالعان ەرلى-زايىپتىلارمەن قارىم-قاتىناستا بولعان. قىزىلوردالىق ەرلى-زايىپتىلارمەن بايلانىستا بولعان تۇلعالاردى ىزدەستىرۋ بارىسىندا 5-ءساۋىر كۇنى اقتاۋ قالاسىنىڭ 14 شاعىن اۋدانىندا ورنالاسقان 38 ءۇيدىڭ 4 تۇرعىنى جەدەل ستاتسيونارعا جەتكىزىلگەن بولاتىن. ولاردان سىناما الىنىپ, ەكەۋىنەن COVID-19 انىقتالدى. ەكى ايەل ادام دا 1990 جىلى تۋعان وزبەكستان رەسپۋبليكاسىنىڭ ازاماتتارى. ولار بىردەن ارنايى بوكسقا وقشاۋلاندى. قالعان ەكەۋىنەن الىنعان ساراپتاما تەرىس ناتيجە بەردى. قازىر پروۆيزورلىق اۋرۋحانادا جاتىر. قازىر ناۋقاستار ۋاقىتشا تۇرعان اقتاۋ قالاسى, 14 شاعىن اۋدانى, 38 ءۇيدىڭ تۇتاس ءبىر پودەزىنىڭ تۇرعىندارى كارانتينگە جابىلدى. اقتاۋ قالاسىنىڭ اكىمدىگى ءتارتىپ ساقشىلارىمەن بىرلەسىپ, وقشاۋلاۋ جانە دەزينفەكتسيالاۋ جۇمىستارىن جۇرگىزۋدە.
-جالپى, 3 ءساۋىر كۇنى تىركەلگەن ناۋقاستار 138, ونىڭ ىشىندە 23 اداممەن تىكەلەي بايلانىستا بولعانى انىقتالدى. بارلىعى كارانتينگە جابىلدى. دارىگەرلەردىڭ ءجىتى باقىلاۋىندا. وسى ورايدا تۇرعىنداردان ۇيلەرىندە بولىپ, ساقتىق شارالارىن قاتاڭ ساقتاۋ سۇرالادى, دەدى ە.كۇمىسقاليەۆ.
ماڭعىستاۋ وبلىسى
