بىرلەسكەن پاترۋلدەۋ – بۇل كارانتين كەزىندە قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ ءۇشىن قاجەتتى شارا بولىپ سانالادى. Əسكەري پوليتسيانىڭ جاساعى كارانتيندىك ايماقتىڭ پەريمەترى بويىنشا ۇيىمداستىرىلعان بلوك-بەكەتتەردە تاۋلىك بويى كەزەكشىلىك ەتەدى, قوعامدىق ورىنداردى پاترۋلدەيدى جانە اسكەري اۆتوكولىك لەكتەرىن سۇيەمەلدەيدى.
توتەنشە جاعداي كەزىندە قوعامدىق قاۋىپسىزدىكتى قامتاماسىز ەتۋ قاجەتتىلىگىن قر پرەزيدەنتى قاسىم-جومارت توقاەۆ توتەنشە جاعداي جونىندەگى مەملەكەتتىك كوميسسيانىڭ وتىرىسى بارىسىندا «قۇقىق بۇزۋشىلىقتىڭ, ەڭ الدىمەن ۇرلىق, توناۋ, بيلىكتىڭ زاڭدى تالاپتارىنا باعىنباۋ فاكتىلەرىنىڭ وسۋىنە جول بەرمەۋگە بولمايدى» دەپ تاعى دا اتاپ ءوتتى.
