قوعام • 05 ءساۋىر، 2020

ەسىك نەگە «تەسىك»؟

533 رەتكورسەتىلدى

الەمدى ءبىر ۋىس قىلىپ ءبۇرىستىرىپ،  ءداننىڭ قاۋىزىنا سىيعىزعانداي سىعا قويعان جۇقپالى كوروناۆيرۋس ىندەتىنىڭ اۋقىمى اۋاداي جايىلىپ بارادى. الەمنىڭ دارىگەر، وزگە دە عالىمدارى شۇقشيا زەرتتەپ، باس قاتىرعانمەن، ازىرگە اۋىزدىقتاتا قويماعان اۋرۋ ءبىزدىڭ ەلىمىزدە دە ءوز ىلاڭىن سالىپ الەك. بارلىق ەلدەردەگى سىندى ىندەتتەن قورعانۋ ءۇشىن ساقتىق شارالارىن كۇشەيتۋ جۇمىستارى قارقىندى قولعا الىندى.

ماڭعىستاۋ وڭىرىندە قازىرگى تاڭدا 3 ناۋقاس تىركەلدى. العاشقىسى ىستامبۋل قالاسىنان اقتاۋ حالىقارالىق اۋەجايىنا كەلىپ قونىپ، ورال قالاسىنا جول تارتپاق بولعان باتىسقازاقستاندىق جولاۋشى جىگىت بولسا، قالعان ەكەۋى قىزىلوردادان جۇمىس بابىمەن اقتاۋعا كەلگەن ەرلى-زايىپتىلار. العاشقى قوناقتىڭ ەشكىممەن ارالاسپاعانى انىقتالدى، ال اقتاۋعا ناۋرىز ايىنىڭ 12-سىندە كەلگەن قىزىلوردالىق قوناقتاردىڭ ءبىر ايعا جۋىق ۋاقىت ىشىندە قانشا اداممەن ارالاسىپ، قانشا اداممەن قول الىسقانىن ەشكىم بىلمەس. انىقتالعانى – قارالعان دارىگەرى، توقتاتقان تاكسيىنىڭ جۇرگىزۋشىسى سىندى ولارمەن ناقتى بايلانىستا بولعان تۇلعالاردىڭ وقشاۋلانعانى.

ەرلى-زايىپتىلاردان ينفەكتسيا انىقتالعان كۇنى تۇندە ساقتىق شاراسى نەگىزىندە ولار ۋاقىتشا مەكەن ەتكەن اقتاۋ قالاسىنىڭ 11 شاعىن اۋدانىنداعى № 10 ء ۇي تۇتاس كارانتينگە جابىلعان بولاتىن. ارتىنشا الەۋمەتتىك جەلىلەردە اتالعان ءۇيدىڭ كىرەبەرىسىنىڭ ەسىگىن دانەكەرلەپ تاستاپتى دەگەن اقپارات تاراپ،  «تەرەزە» سالىنعان ەسىكتىڭ سۋرەتى شارلاپ كەتتى.

– الەۋمەتتىك جەلىلەردە ءبىر سۋرەتكە نەگىزدەلگەن جالعان اقپارات تاراۋدا. ادامدار ءبىر-بىرىنە «پودەزدىڭ ەسىگىن ق ۇلىپتاپ، جاۋىپ تاستاعان، تەك ساڭىلاۋ قالدىرعان» دەپ سۋرەت جىبەرىپ، وسىعان قاراپ پىكىر بىلدىرۋدە. كارانتين رەجيمىنىڭ تالابىنا سايكەس، ناۋقاس انىقتالعان پودەزد تۇرعىندارى وقشاۋلانۋى كەرەك. تاۋلىك بويى پوليتسيا قىزمەتكەرلەرى تۇرادى، كۇندىز اكىمدىك قىزمەتكەرلەرى تۇرعىنداردىڭ سۇرانىسىنا وراي ازىق-ت ۇلىك پەن كەرەك-جاراقتارىن ۋاقىتىلى جەتكىزىپ تۇرادى. بارلىعىنىڭ ۇيالى تەلەفون نومەرلەرى جازۋلى. ارقايسىمەن بايلانىسىپ تۇرامىز. سوندىقتان ەسىكتىڭ اشىق ەكەنىن جەتكىزەمىز جانە تۇندە عانا سىرتىنان جابىلادى. ساڭىلاۋ نە ءۇشىن جاسالدى؟ تۇندە ىستىق تاماق پەن باسقا دا زاتتاردى اپارۋشىلارعا ىڭعايلى بولۋ ءۇشىن جانە تۇرعىندار قوقىستارىن شىعارۋ ءۇشىن جاسالدى، –دەگەن تۇسىنىك بەردى اقتاۋ قالاسى اكىمىنىڭ ءباسپاسوز قىزمەتى ماسەلەگە وراي.

سونداي-اق  قالا اكىمىنىڭ ءباسپاسوز قىزمەتى كۆي جۇقتىرعان ەرلى-زايىپتىلار تۇراتىن ءۇي تولىعىمەن دەزينفەكتسيالانعانىن حابارلادى. ءۇيدىڭ اينالاسىندا 500 مەتر اراقاشىقتىققا دەيىن ورنالاسقان جول، ويىن الاڭى، سپورتتىق الاڭدار، ءتىپتى تەرەكتەرگە دەيىن زالالسىزداندىرىلىپ،  ءۇيدىڭ بارلىق پودەزىن 1-قاباتتان باستاپ ارنايى ماماندار تازالاعان. سونداي-اق پودەزد تۇرعىندارىنا سانيتارلىق ماماندار بارلىق ەرەجەلەردى تۇسىندىرگەن. قالا اكىمدىگىنىڭ ءباسپاسوز قىزمەتى تۇرعىندارعا جاعدايعا تۇسىنىستىكپەن قاراپ، جالعان اقپاراتقا سەنبەۋگە شاقىردى. قازىر وقشاۋلانعان پودەزدىڭ تۇرعىندارى ءاربىر جازبانى وقىپ وتىر، ولارعا  ءارى وقشاۋلانۋ، ءارى ءارتۇرلى جەلدەي ەسكەن سوزدەردى وقىپ-ءبىلۋ وڭاي ەمەس، سوندىقتان ولارعا پسيحولوگيالىق تۇرعىدان قولداۋ كورسەتۋ قاجەت ەكەندىگى ايتىلدى.

سوىنمەن، ەسىك – تەسىك، بىراق دانەكەر – بەكەر.

دەمەك، «ساقتانساڭ – ساقتايمىن» دەگەندەي، ساقتانۋدىڭ كەمى جوق...

 

ماڭعىستاۋ وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار