ايماقتار • 05 ءساۋىر، 2020

ماڭعىستاۋ: قاشىقتان وقىتۋعا بارلىق مۇمكىندىكتەر جاسالۋدا

43 رەتكورسەتىلدى

قاشىقتان وقىتۋ كەزىندە ونلاين وقىتۋ قولدانىلمايدى. قازىرگى تاڭدا ماڭعىستاۋ وبلىسىندا قاشىقتان وقىتۋعا بارلىق مۇمكىندىك قاراستىرىلۋدا جانە ونلاين ساباقتاردى جۇرگىزۋگە دايىندىق جۇرگىزىلۋدە. بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى اكىمىنىڭ ورىنباسارى قانىبەك جۇماشەۆ ايتتى.

ماڭعىستاۋ وبلىسىنداعى  149 068 (99%) وقۋشىدا ەلەكتروندى قۇرىلعى، 150 771 وقۋشىنىڭ (99،9%) ءۇي جاعدايىندا ينتەرنەتكە قوسىلۋ مۇمكىندىگى بار. ينتەرنەت جەلىسىن تارتۋ، كۇشەيتۋ ماقساتىندا ءتيىستى جۇمىستار جۇرگىزىلىپ جاتىر. پروۆايدەرلەر ينتەرنەت جىلدامدىعىن كۇشەيتۋ، ينتەرنەت جىلدامدىعى ءالسىز ەلدى مەكەندەرگە وپتيكالىق-تالشىقتى جەلىنى قوسۋ جۇمىستارى جالعاسۋدا. وبلىس مەكتەپتەرىندەگى 9190 كومپيۋتەردىڭ 1123-ءى مۇعالىمدەرگە ۋاقىتشا قولدانۋعا بەرىلىپ، 12534 مۇعالىم ەلەكتروندى قۇرىلعىمەن قامتاماسىز ەتىلدى. بۇگىندە 1427 وقۋشىعا مەكتەپ كومپيۋتەرى تاراتىلدى. سونىمەن قاتار ءتۇسىندىرۋ جۇمىستارىنان كەيىن 3228 اتا-انا بالالارىنا ەلەكتروندى قۇرىلعى ساتىپ الىپ بەردى. قاراقيا اۋدانىنداعى اققۇدىق مەكتەبى شتاتتىق رەجيمدە جۇمىسىن جالعاستىرادى. مەكتەپ اۋدان ورتالىعىنان 300 كم قاشىقتىقتا جانە وبلىس ورتالىعىنان 350 كم قاشىقتىقتا ورنالاسقان. مەكتەپتە 23 وقۋشى، 14 مۇعالىم بار.

سونىمەن قاتار ينتەرنەت جەلىسى مەكتەپتە بار (4 مبيت/س)، اۋىلعا تارتىلماعان. ىلعالدى تازالىق جۇمىستارى، زالالسىزداندىرۋ، جەلدەتۋ، دەزينفەكتسيالىق جۇمىستار تالاپقا ساي كۇندەلىكتى جۇرگىزىلەدى. ال 30 ناۋرىزدان باستاپ تۇرعىنداردىڭ پايدالانبايتىن ەلەكتروندى قۇرىلعىلارىن وقۋشىلارعا سىيعا تارتۋ ماقساتىندا «قاشىقتىقتان وقىتۋدى قولدايمىز!» اكتسياسى باستاۋ الدى. 91 بالاعا دەمەۋشىلەر ەسەبىنەن ەلەكتروندى قۇرىلعى (پلانشەتتەر، سمارتفوندار، روۋتەرلەر، تەلەديدارلار، ت.ب.) جانە 3 تەلەديدار سىيعا بەرىلدى. رەسپۋبليكالىق قاشىقتان وقىتۋ كۋرسىنا 35 پەداگوگ قاتىستى. مۇعالىمدەردىڭ ەڭ ءجيى پايدالاناتىن پلاتفورمالارى mektep.edu.kz، Daryn.online، Bilimland.kz. سونداي-اق مەكتەپ وقۋشىلارى تەلەساباقتى «ەل ارنا» مەن «بالاپان» تەلەارنالارىنان تىڭدايتىن بولادى. ال جازباشا تۇردە تاپسىرمالار مەن جاتتىعۋلاردى «Whatsapp»، «Telegram» ت.س.س. جەلىلەرى ارقىلى مۇعالىمدەرمەن حابارلاسىپ ورىندايدى. «Mektep.edu» ونلاين-كۇندەلىگى ارقىلى وقۋشىلار مەن ۇستازدار اراسىندا بايلانىس ورناتىلادى.

بۇل رەتتە وبلىس اكىمىنىڭ ورىنباسارى ق.جۇماشەۆ اتا-انالاردى تەلەديداردى ۋاقىتىلى قوسىپ، ۆيدەو-ساباقتى كورۋ ءۇشىن بالالارىنا بارىنشا جاعداي جاساۋعا شاقىردى.

-ورىندالاتىن ساباقتىڭ بارلىعى وقۋشىلاردىڭ ءبىلىم ستاندارتىنان قالىپ قويماۋ ءۇشىن جانە ماتەريالدى تولىق يگەرۋ ءۇشىن ماڭىزدى، بىراق بۇل ساباقتىڭ قورىتىندىسى بويىنشا وقۋشىلارعا باعا قويىلمايدى. بۇل – مينيسترلىكتىڭ شەشىمى، دەيدى ق.جۇماشەۆ.

ماڭعىستاۋ وبلىسىندا قاشىقتىقتان ساباق وتكىزۋ ءۇشىن جوعارىدا اتالعان ادىستەردى پايدالانۋعا مۇعالىمدەر مەن وقۋشىلارعا بارلىق مۇمكىندىكتەر جاسالعان. وڭىردە ينتەرنەت جەلىسىن كۇشەيتۋ ماقساتىندا قىزان، اقشىمىراۋ اۋىلدارىندا ينتەرنەت اۋقىمىن كەڭەيتەتىن قوسىمشا قوندىرعىلار ورناتىلدى. جاڭاوزەن قالاسى مەن بەينەۋ اۋدانىندا «ترانستەلەكوم»، «قازاقتەلەكوم» كومپانيالارى مەن «التەل»، «كار-تەل» كومپانيالارىنىڭ بىرىگۋى ناتيجەسىندە بۇل ايماقتاردا ينتەرنەتكە قوسىلۋ جىلدامدىعى ارتا ءتۇستى. ماڭعىستاۋ اۋدانى، بەكى اۋىلىنىڭ وقۋشىلارىنا تاپسىرمانى «قازپوشتا» قىزمەتكەرلەرى جەتكىزىپ وتىرادى. كەيىن وقۋشىلار دا مۇعالىمدەرىنە تاپسىرمالاردى وسى قىزمەت تۇرىمەن جىبەرەدى. ال اققۇدىق مەكتەبىندەگى ساباق وقۋشىلار مەن ۇستازدار سانىنىڭ ازدىعى ەسكەرىلە وتىرىپ (مۇعالىم – 14، وقۋشى - 23)، ءداستۇرلى تارتىپتە جۇرگىزىلە بەرمەكشى. سايكەسىنشە، مەكتەپتە ءتيىستى دەزينفەكتسيالىق، تازالاۋ، جەلدەتۋ شارالارى ۋاقىتىلى وتەدى.

 

 

ماڭعىستاۋ وبلىسى

 

 

 

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار