اتىراۋ وبلىسى پوليتسيا دەپارتامەنتىنىڭ باسشىلىعىمەن كارانتيندىك ايماقتاردىڭ پەريمەترى بويىنشا بلوك-پوستتارداعى كىرۋ جانە شىعۋ شەكتەۋلەرىن ساقتاۋ بويىنشا بىرلەسكەن قىزمەت ۇيىمداستىرىلدى.
بۇگىنگى تاڭدا اتىراۋ وبلىسىندا ءتورت بلوك-پوستتا 60-قا جۋىق اسكەر قىزمەتشىلەر ەكى اۋىسىممەن قىزمەت ەتۋدە. وعان قوسا, بلوك-پوستتاردى كۇشەيتۋ ماقساتىندا ءتورت «ارلان» بروندىق تەحنيكاسى ءبولىندى.
- بلوك-پوستتاردا تەك قانا تاجىريبەلى اسكەري قىزمەتكەرلەر تارتىلدى. ولار قازىرگى قالىپتاسقان جاعدايدى جانە ايماققا قانداي قاۋىپ ءتونىپ تۇرعانىن جاقسى تۇسىنەدى. اسكەري قىزمەتشىلەر ءتۇرلى قىزمەتتىك جاعدايلاردا دۇرىس شەشىپ قابىلداپ, حالىق يگىلىگىنە قىزمەت ەتۋگە ءازىر, - دەدى «باتىس» وڭىرلىك قولباسشىلىعى اسكەرلەرىنىڭ قولباسشىسى نۇرلان الدياروۆ.
جوعارىدا ايتىلعانداي, «باتىس» وڭىرلىك قولباسشىلىعىنان نىسانداردى دەزينفەكتسيالاۋ جانە قالانى پاترۋلدەردەن باسقا, بلوك-پوستتاردى كۇشەيتۋ ءۇشىن ءتيىستى دايىندىقتارى بار كەلىسىمشارتتى اسكەري قىزمەتشىلەر تارتىلعان بولاتىن.
ماڭعىستاۋ وبلىسى
