ايماقتار • 04 ءساۋىر، 2020

تۇركىستان: ىندەتتەن قايتىس بولعان ناۋقاس الماتى وبلىسىندا قوناقتا بولعان

521 رەتكورسەتىلدى

تۇركىستان وبلىسى جەتىساي قالاسىنىڭ 1956 جىلى تۋعان تۇرعىنى 4 ساۋىردە قايتىس بولدى. وسى جاعدايعا جانە وڭىردە كوروناۆيرۋس جۇقتىرعانداردىڭ سانى ارتا باستاۋىنا بايلانىستى ونلاين رەجيمدە شۇعىل بريفينگ ءوتتى.

وبلىستىق قوعامدىق دەنساۋلىق باسقارماسى باسشىسىنىڭ مىندەتىن اتقارۋشى سالتانات جامالوۆا قايتىس بولعان ناۋقاس 29 ناۋرىزدا اۋداندىق اۋرۋحاناعا پنەۆمونيا، تىنىس الۋ قيىندىعى بەلگىلەرىمەن جاتقىزىلعانىن، قوسالقى ديابەتپەن اۋىراتىنى انىقتالعانىن مالىمدەدى. «بارلىق سىنامالار الىنىپ، ەمدىك شارالارى جۇرگىزىلگەن. وكىنىشكە قاراي، ناۋقاستىڭ جاعدايى ناشارلاپ، بۇگىن تاڭەرتەڭ كوز جۇمدى. ناۋقاس 15 ناۋرىزدا الماتىدان كەلگەنىن جاسىرعان»، دەدى س.جامالوۆا. ال وبلىستىق تاۋارلار جانە قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى نۇربەك نىشانوۆتىڭ ايتۋىنشا، قايتىس بولعان ازامات ءبىر اي الماتى وبلىسىنىڭ قاراساي اۋدانىندا قوناقتا بولعان. «ناۋرىزدىڭ 15-نە كەلگەن ونىڭ دەنساۋلىعى ون كۇننەن سوڭ، ياعني 26 ناۋرىزدا ناشارلاي باستاعان. اۋرۋحاناعا 29 ناۋرىزدا جاتقىزىلعان. ونىمەن جاقىن قارىم-قاتىناستا بولعان 25 ادام جانە ىقتيمال بايلانىستا بولعان 40 ادام انىقتالعان. ولاردىڭ بارلىعى وقشاۋلانعان»، دەدى ن.نىشانوۆ.

جالپى وبلىستا 4 ءساۋىر تاڭەرتەڭگى مالىمەت بويىنشا ىندەت جۇقتىرعاندار سانى وڭىردە 23-كە جەتتى. ناقتىراق ايتساق، جەتىساي اۋدانىندا 11 ادام ىندەت جۇقتىرعان، سونداي-اق ماقتاارال اۋدانىندا – 4، كەنتاۋ قالاسىندا -2، ارىس -1، ورداباسى اۋدانىندا -1، سايرام  -2  جانە سارىاعاش اۋدانىندا 1 ادام تىركەلگەن. «ناۋقاستاردىڭ بارلىعى نۇر-سۇلتان جانە الماتىدان كەلگەن ازاماتتارمەن قارىم-قاتىناستا بولعاندار. ۆيرۋس جۇقتىرعاندار قازىرگى ۋاقىتتا وقشاۋلانىپ، ەم قابىلداۋدا. ال بايلانىستا بولعان 380 ادام، ياعني 210 جاقىن قارىم-قاتىناستا جانە ىقتيمال قاتىناستا بولعان 170 ادام ءجىتى تەكسەرۋلەردەن وتكىزىلۋدە. بارلىق جاعداي قاتاڭ باقىلاۋعا الىنعان»، دەدى وبلىستىق قوعامدىق دەنساۋلىق باسقارماسى باسشىسىنىڭ مىندەتىن اتقارۋشى سالتانات جامالوۆا.

 

تۇركىستان وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار