قازاقستان چەمپيوناتىنىڭ 31 تامىز جانە 1 قىركۇيەك كۇندەرى وتكەن پرەمەر-ليگا كوماندالارىنىڭ 25-تۋرىندا 4:0 دەگەن ەسەپ ءۇش رەت قايتالاندى. ءبىر قىزىعى, مۇنىڭ ەكەۋى كۇنى كەشە عانا ۋەفا تۋرنيرلەرىنىڭ ءتورتىنشى راۋندى ويىندارىنا قاتىسىپ قايتقان ەكى كوماندامىزعا تيەسىلى بولىپ شىقتى.
العاشقى وسىندا ءىرى جەڭىلىسكە كەشە ءوز الاڭىندا قوستانايدىڭ «توبىلىن» قابىلداعان وسكەمەننىڭ «ۆوستوگى» ۇشىرادى. بۇل كۇنى تاعى ءۇش ويىن وينالدى. ولاردى الماتىنىڭ «قايراتى» ءوز الاڭىندا «استاناعا» 1:2 بولىپ جول بەرىپ الدى. ال «تاراز» ءوز الاڭىندا ورالدىڭ «اقجايىعىن» تالقانداپ شىقتى. ەسەپ – 3:0. سونداي-اق اتىراۋدا وتكەن «اتىراۋ» مەن تالدىقورعاننىڭ «جەتىسۋ» كوماندالارى اراسىنداعى ويىندا ەسەپ اشىلمادى.
قالعان ەكى 0:4 بۇگىن تىركەلدى. الدىمەن شىمكەنتتە قاراعاندىنىڭ «شاحتەرى» ويسىراي ۇتىلدى. ال ويىن شۋ باسىن ااسا ءبىر تارتىستى بولا قويعان جوق. شاماسى, اپتانىڭ اينالىسىنداعى ەكى حالىقارالىق كەزدەسۋ قاجىتىپ جىبەرگەن بولۋى كەرەك, قاراعاندىلىقتار اسا ءبىر بەلسەندىلىك تانىتا المادى. بىراق الاڭ يەلەرىنىڭ دە ولاردان اسىپ كەتكەنى شامالى بولدى. كەرىسىنشە دوپ كوبىنە-كوپ قوناقتاردىڭ اياقتارىنا تۇراقتاپ تۇردى. قاقپاعا قاراي قاقىراتا ۇرعانى كوپ شىقپاسا دا, شاحتەرلىكتەر شابۋىلعا دا كوپ ۇرىندى. الايدا, گولدى شىمكەنتتىكتەر سوقتى. ولار مۇنىڭ ءبىرىنشى تايمنىڭ باسىندا, 6-مينۋتتا موحاممەد ارۋري ويلاماعان ساتتە سوعىپ كەتتى.
كوماندالار وسى ەسەپپەن ۇزىلىسكە شىقتى. ال كەلەسى تايم ەندى باستالا بەرگەن ساتتە قاۋىرت جورىقتى باستاپ كەتكەن الاڭ يەلەرى الەكساندر موكين قورعاعان قاقپانى تاعى ءبىر قاقىراتىپ ءوتتى. ونى ازات نۇرعاليەۆ سالدى. ارادا 11 مينۋت وتكەندە, 58-مينۋتتا ول تاعى دا مەيماندار داربازاشىسىن قاپى قالدىردى. ءسويتىپ, كەشە گلازگودا ەرەن ەرلىك كورسەتكەن گولكيپەر بولماشىدان قاتەلەسىپ, ءوز قاقپاسىنا ءۇشىنشى دوپتى دا وتكىزىپ الدى. شىمكەنتتىكتەردىڭ جەتىستىكتەرى مۇنىمەن دە تىنبادى. ەندى 80-مينۋتتا قايرات اشىربەكوۆ ءتورتىنشى گولدى سالىپ كەتتى.
بۇدان كەيىن الاڭعا پاۆلوداردىڭ «ەرتىسى» مەن «اقتوبە» شىقتى. مۇندا ويىننىڭ قورىتىندى ەسەبى ءبىرىنشى تايمدا-اق تىركەلىپ قويدى. ەسەپتى 10-مينۋتتا پەنالتي ءدال تۇسىرگەن ۇلىقبەك باقاەۆ اشتى. ارادا 5 مينۋت وتكەندە انتون چيچۋلين تابلوداعى جازۋدى 2:0-گە وزگەرتتى. كوماندالاردىڭ الما-كەزەك شابۋىلدارى كەزىندە الاڭ يەلەرى 38-مينۋتتا تاعى دا ەرلەدى. بۇل جولى دميتري شومكو گول اۆتورى اتاندى. ال قورىتىندى نۇكتەنى 45-مينۋتتا ۆلاديسلاۆ چەرنىشەۆ قويدى.
اقتوبەلىكتەر بۇل جەڭىلىستەرىنە قاراماستان تۋرنير كەستەسىندەگى ليدەرلىك جاعدايلارىن ساقتاپ قالدى.
2-قىركۇيەككە دەيىنگى تۋرنير كەستەسى مىناداي.
| ور | كوماندالار | و | ۇ | ت | ج | دوپتار | ۇپ |
| زا 1-6-ە مەستا | |||||||
| 1 3 | "اقتءوبە" (اقتوبە) | 25 | 15 | 5 | 5 | 33-18 | 27 |
| 2 5 | "استانا" (استانا) | 25 | 14 | 5 | 6 | 41-28 | 27 |
| 3 1 | "شاحتيور" (قاراعاندى) | 25 | 11 | 6 | 8 | 34-29 | 22 |
| 4 10 | "ەرتىس" (پاۆلودار | 25 | 10 | 8 | 7 | 30-24 | 21 |
| 5 2 | "ورداباسى" (شىمكەنت) | 25 | 10 | 6 | 9 | 27-24 | 21 |
| 6 7 | "قايرات" (الماتى) | 25 | 8 | 10 | 7 | 32-29 | 19 |
| زا 7-12-ە مەستا | |||||||
| 7 6 | "توبىل" (قوستاناي) | 25 | 10 | 5 | 10 | 39-28 | 22 |
| 8 11 | "اتىراۋ" (اتىراۋ) | 25 | 7 | 8 | 10 | 21-33 | 16 |
| 9 4 | "تاراز" (تاراز) | 25 | 6 | 7 | 12 | 25-30 | 16 |
| 10 -- | "ۆوستوك" (وسكەمەن) | 25 | 5 | 10 | 10 | 15-31 | 14 |
| 11 12 | "جەتءىسۋ" (تالدىقورعان) | 25 | 4 | 13 | 8 | 20-29 | 12* |
| 12 8 | "اقجايىق" (ورال) | 25 | 4 | 9 | 12 | 28-42 | 9 |
ۇزدىك مەرگەندەر:
يگور زەنكوۆيچ («شاحتەر») - 12
ەدين يۋنۋزوۆيچ («ورداباسى») - 11
موكۋدۋ سيسەي («قايرات») - 10
يگور بۋگايوۆ («توبىل») - 10
دامير قوجامقۇل.
