«كوروناۆيرۋس ىندەتى دۇنيەجۇزىن جاۋلاپ الدى. قيىن كەزەڭدە بارشامىزعا جۇدىرىقتاي جۇمىلىپ, ءبىر-بىرىمىزگە كومەكتەسۋ ماڭىزدى. وسى ەلدىڭ ازاماتى رەتىندە قيىن جاعدايعا بەي-جاي قاراماي, ءوز تاراپىمنان ۆولونتەرلەرمەن بىرگە اۋىر دەرتكە شالدىققان ادامداردى ەمدەۋ قىزمەتىندە جۇرگەن ابزال جاندارعا قولداۋ كورسەتۋدى ءجون كوردىم. ولاردىڭ جۇمىسى اۋىر ءارى قاۋىپتى. سابىرلىق پەن دەنساۋلىق تىلەي وتىرا, مەن قازاقستاندىق مەديتسينا قىزمەتكەرلەرىنىڭ بارلىعىنا ادال ەڭبەگى ءۇشىن العىسىمدى بىلدىرەمىن. ءبىز بىرگەمىز!» – دەدى ق. نۇرتاس. «ساۋلىق» ۆولونتەرلەر باعىتىمەن بىرلەسىپ ءۇش ەمدەۋ ورتالىعىنا ازىق-ت ۇلىك تاراتىلدى.
اتاپ ايتقاندا, فتيزيوپۋلمونولوگيا ورتالىعىنا, № 3 كوپبەيىندى قالالىق بالالار ەمحاناسى جانە كارانتيندىك ستاتسيونار ورنالاسقان «رامادا پلازا» قوناق ءۇيى كەشەنىنە جەتكىزىلدى. تاياۋدا ءانشى نۇر-سۇلتان قالاسى شتابىنىڭ ۆولونتەرلەر قاتارىنا قوسىلعان بولاتىن. ەلوردالىق جاستار ساياساتى ماسەلەلەرى جونىندەگى باسقارمانىڭ جانىنداعى قالالىق ەرىكتىلەر شتابى حالىقتىڭ الەۋمەتتىك جاعىنان وسال توپتارىنا كومەك كورسەتۋدى جالعاسىتىرىپ جاتىر.
