“ديدار” كينوفەستيۆالى

الداعى ازيادا مەن ەلىمىزدىڭ ەقىۇ-عا توراعالىق ەتۋىنە  ارنالماق بيىل ءساۋىر ايىنىڭ ورتاسىندا بەسىنشى رەت وتكىزىلەتىن “ديدار” – الماتى ستۋدەنتتەر كينوفەستيۆالى “جاڭا ونجىلدىق – قازاقستان جاستارىنىڭ جاڭا سەرپىلىسى” دەگەن ۇرانمەن وتكەلى وتىر. اتالمىش كينوفەستيۆال الداعى ءVىى قىسقى ازيا ويىندارىن جاستار اراسىندا ناسيحاتتاپ ءارى ەلىمىزدىڭ ەىقۇ-عا توراعالىق ەتۋى قۇرمەتىنە قۇرىلماق. العاش رەت اتالمىش كينوفەستيۆال الماتى جاستارى اراسىندا وتكىزىلگەن بولاتىن. اراعا جىل سالىپ ول  رەسپۋبليكالىق دەڭگەيگە كوتەرىلدى. حالىقارالىق دەڭگەيگە كوتەرىلۋگە الەۋەتى بار كينودودا بەس جىل ىشىندە بىرقاتار تالانتتى جاستارىمىزدىڭ تىرناقالدى تۋىندىلارىنىڭ تۇساۋىن  كەسىپ, ۇلكەن ەكرانعا جولداما بەرۋدەن جاڭىلماي كەلەدى. كينوفەستيۆالدىڭ ماقساتى دا وسى – ءوز زامانداستارىن تۋعان ەلدى قۇرمەتتەۋگە شاقىراتىن جانە ۇلتتىق ءۇردىس پەن مادەنيەتتى تەرەڭ ناسيحاتتاي الاتىن دارىندى جاستاردى تابۋ. كينووندىرىسى سالاسىندا الماتى جاستار كينوفەستيۆالىنىڭ اتقارىپ وتىرعان تىرلىگى تولايىم بولماسا دا جاس سۋرەتكەرلەردىڭ قابىلەتىن شىڭداۋعا, جىگەرلەندىرۋگە ىقپالى بار ەكەنىن ونەرتانۋشىلار مويىندايدى. ونىڭ ۇستىنە “ديدار” فەستيۆالىنىڭ الماتى قالالىق اكىمدىگىنەن دە بولەك, التى بىردەي ۇيىمداستىرۋشىسى بار. ولار – الماتى قالاسى جاستار ساياساتى جونىندەگى باسقارماسى, “ديدار” پروديۋسەرلىك ورتالىعى” قوعامدىق قورى, الماتى جاستار ساياساتىن دامىتۋ مەملەكەتتىك قورى, ت.جۇرگەنوۆ اتىنداعى قازاق ۇلتتىق ونەر اكادەمياسى. رەسمي قولداۋشىلار قاتارىندا مادەنيەت مينيس­تر­لىگى مەن “نۇر وتان” حدپ “جاس وتان” جاستار قاناتى بار. جەتى بىردەي ماقساتقا قۇرىلعان كي­نوفەستيۆال اياسىندا ستۋدەنتتەر في­لم­دەرىنىڭ, شىعارماشىلىق ۇجىمدار قاتىسقان فيلمدەر مەن مۋزىكالىق كليپتەردىڭ بايقاۋى وتەدى. سول سياقتى “قازاقستاندىق جاستار كينوسى: الەمدىك كينورىنوكتا الاتىن ورنى” تاقىرىبىندا دوڭگەلەك ۇستەل,  شەبەرلىك دارىستەرى وتپەك. بايقاۋ بارىسىنان بولەك, اقپاراتتىق فيلمدەردىڭ كور­سە­تى­لىم­دەرىن جاساۋ كوزدەلىپ وتىر. بايقاۋعا 2008-2010 جىلدار ارالىعىندا قازاق جانە ورىس تىلدەرىندە “مەنىڭ قازاقستانىم!” ۇرانى اياسىندا تۇسىرىلگەن كور­كەمسۋرەتتى, دەرەكتى, انيماتسيالىق فيلمدەر مەن مۋزىكالىق بەينەكليپتەر قابىلدانادى. بيىل باس جۇلدەدەن بولەك, 17 اتاۋلى نوميناتسيا بويىنشا ۇزدىك جۇمىستار مارا­پاتتالماق. ايناش ەسالي. الماتى.