ەلباسى, «Nur وtan» پارتياسى توراعاسى ن.ءا.نازارباەۆتىڭ 2020 جىلعى 20 ناۋرىزداعى ۇندەۋىنە وراي ەلىمىزدە ء«بىز بىرگەمىز!» رەسپۋبليكالىق اكتسياسى باستاۋ العان. ەلباسى ۇندەۋىنە العاشقى بولىپ قولداۋ بىلدىرگەن شىمكەنتتىك پارتيا بەلسەندىلەرى "بەرەكە" كورپوراتسياسىنىڭ نەگىزىن قالاۋشى راشكۇل وسپاناليەۆا, «بانۇر-1» جشس باس ديرەكتورى نۇرپەيىس اناربەكوۆ, "ارت قۇرىلىس" جشس ديرەكتورى ءانۋار تولەنديەۆ, «بال تەكستيل» جشس ديرەكتورى تالعات يسحاحوۆ ارقايسىسى «شىمكەنت قايىرىمدى قالا» قورىنا 5 ملن.تەنگەدەن اۋداردى.
- 20 ناۋرىزدان باستاپ «Nur وtan» پارتياسى بەلسەندىلەرى, «Jas Otan» جاستار قاناتىنىڭ جاستارى مەن ەرىكتىلەر جۇمىلدىرىلىپ, جاردەمگە اسا مۇقتاج وتباسىلارعا ساقتانۋ شارالارىن ۇستانا وتىرىپ, «كونتاكتسىز» تاسىلمەن سانيتارلىق قورعانۋ جيىنتىقتارى جانە ءبىرىنشى كەزەكتە قاجەتتى ونىمدەر مەن ازىق-ت ۇلىك تاپسىردى. كومەككە مۇقتاج وتباسىلاردىڭ ءتىزىمى قالالىق جۇمىسپەن قامتۋ جانە الەۋمەتتىك باعدارلامالار ۇسىنعان «ىزگىلىكتە جارىسايىق» جانە «مەيىرىم» قايىرىمدىلىق قورلارىنان الىنعان. بۇگىنگى تاڭدا قالاداعى جاردەمگە اسا مۇقتاج 1000-نان استام وتباسىعا قاجەتتى تاۋارلارمەن كومەك كورسەتىلدى, - دەدى باحادىر نارىمبەتوۆ ءباسپاسوز بريفينگىندە.
ەلباسى, «Nur Otan» پارتياسىنىڭ توراعاسى ن.ءا.نازارباەۆتىڭ باستاماسىمەن ەلىمىزدە «Birgemiz» قوعامدىق قورى اشىلدى. قور ازاماتتارعا, ونىڭ ىشىندە COVID-19 كورونوۆيرۋستان زارداپ شەككەندەرگە اتاۋلى جانە الەۋمەتتىك قولداۋ كورسەتۋ, وسىنىڭ شەڭبەرىندە ۇيىمداستىرۋ-پراكتيكالىق ءىس-شارالار وتكىزۋ ماقساتىندا قۇرىلىپ, رەسپۋبليكالىق جانە ايماقتىق دەڭگەيدە جۇمىس جۇرگىزەدى.
كوروناۆيرۋستىق ينفەكتسيانىڭ تارالۋىنا قارسى تۇرۋعا باعىتتالعان ەلدە كارانتيندىك شارالاردىڭ كۇشەيۋىنە بايلانىستى, 2020 جىلدىڭ 1 ساۋىرىنەن باستاپ «Nur Otan» پارتياسى مەن «Jas Otan» ەرىكتىلەرى مۇقتاج ادامدارعا قاجەتتى تاۋارلاردى كونتاكتىسىز جەتكىزۋدى ۋاقىتشا توقتاتتى. بۇل شەشىم ينفەكتسيانىڭ بۇكىل قازاقستان بويىنشا تارالۋىنا بايلانىستى, تۇرعىنداردىڭ دا, ەرىكتىلەردىڭ دە دەنساۋلىعىنا قاۋىپ توندىرمەۋ ءۇشىن قابىلداندى.
سونىمەن قاتار حالىقتىڭ از قامتاماسسىز ەتىلگەن توپتارىن قولداۋ ماقساتىندا اۋدان اكىمدىكتەرى جۇمىسپەن قامتۋ جانە الەۋمەتتىك باعدارلامالار بولىمىمەن جانە قايىرىمدىلىق قورلارىمەن بىرلەسىپ, اسا كومەككە مۇقتاج وتباسىلاردىڭ تۇرمىس جاعدايىنا مونيتورينگ جۇرگىزۋدە. بۇگىنگى تاڭدا 21864 ازامات تىزىمگە ەنگىزىلگەن.
