اتىراۋدا قازاقستان قارۋلى كۇشتەرىنىڭ اسكەري قىزمەتشىلەرىمەن قوعامدىق ورىندارعا كەڭ كولەمدە دەزينفەكتسيا جۇرگىزۋدە. اعىمداعى جىلدىڭ 25 ناۋرىزىنان باستاپ اتىراۋ قالاسىندا جيلگورودوك, لەسحوز, نۇرسايا, اۆانگارد-2,3,4 ىقشام اۋداندارىندا, سونىمەن قاتار ق.ساتپاەۆ كوشەسىنىڭ بويىنداعى ۇيلەردىڭ ۋچاسكەلەرىندە سانيتارلىق شارالار اياقتالدى.
دەزينفەكتسيا تۇرعىن ۇيلەردىڭ جانە وعان ىرگەلەس اۋماقتاردىڭ, ويىن الاڭدارىنىڭ, الاڭدار مەن ساياباقتاردىڭ, مەملەكەتتىك مەكەمەلەردىڭ, بازارلاردىڭ, تەمىرجول ۆوكزالدارىنىڭ جانە اۋەجايدىڭ ۋچاسكەلەرىندە جۇرگىزىلدى.
قىزمەت كورسەتۋ ءۇشىن پەرسونال ارنايى جابدىقتارمەن, گازسىزداندىراتىن قورعانىش جيىنتىقتارىمەن, سونداي-اق «رۋبەج» ماركالى دەزينفەكتسيالىق ەرىتىندىلەرمەن قامتاماسىز ەتىلگەن.
-اسكەريلەر جەكە قورعانىس كوستيۋمدەرىندە جۇمىس ىستەيدى. جۋعىش زاتتاردى وڭدەۋ ءۇشىن «رۋبەج» دەزينفەكتسيالىق ەرىتىندىسى بار جەكە گازسىزداندىرۋ جيىنتىقتارى قولدانىلادى. ول ادامدار مەن جانۋارلار ءۇشىن قاۋىپسىز جانە 5 ساعاتقا دەيىن ارەكەت ەتەدى. زارارسىزداندىرۋ ءۇشىن رەاگەنتتەردى قاجەتتى كولەمدە Aرس-14 اۆتوكولىك قۇيۋ ستانتسيالارى قامتاماسىز ەتەدى, دەيدى «باتىس» وڭىرلىك قولباسشىلىعىنىڭ رحب قورعانىس اسكەرلەرىنىڭ باستىعى الماس نەسىپقاليەۆ.
ايتا كەتسەك, كارانتين رەجيمىن قامتاماسىز ەتۋ شارالارى اياسىندا اتىراۋ قالاسىنا 195-تەن استام اسكەر جۇمىلدىرىلعان. كوروناۆيرۋستىڭ تارالۋىن بولدىرماۋ ءۇشىن قورعانىس مينيسترلىگى قالالارداعى كوشەلەردى, عيماراتتار مەن حالىق كوپ جينالاتىن جەرلەردى سانيتارلىق تازارتۋ ءۇشىن رادياتسيالىق, حيميالىق جانە بيولوگيالىق قورعانىس قوندىرعىلارىنىڭ اسكەرلەرىن جىبەردى.
ماڭعىستاۋ وبلىسى
