- «بيزنەستىڭ جول كارتاسى 2025» باعدارلاماسى بويىنشا بيزنەس جوبالارىن كەڭىنەن قامتۋ ءۇشىن سالالىق شەكتەۋلەر الىنىپ تاستالدى. بۇل شاعىن جانە ورتا كاسىپكەرلىكتىڭ كەز كەلگەن سۋبەكتىسى باعدارلاماعا قاتىسۋشى بولا الادى جانە جەڭىلدىكتى قارجىلاندىرۋ الا الادى دەگەندى بىلدىرەدى. ءبىر كاسىپكەرگە كرەديتتىك قولداۋ كولەمى 7 ملرد تەڭگەگە دەيىن ۇلعايدى. اينالىم قاراجاتىن تولىقتىرۋدى قارجىلاندىرۋ ايتارلىقتاي كەڭەيتىلدى, - دەدى جاسلان مəديەۆ.
سونداي-اق ول باعدارلاما شەڭبەرىندە اينالىم قاراجاتىن تولىقتىرۋ 500 ملن تەڭگەگە دەيىن ۇلعايتىلعانىن اتاپ ءوتتى.
- باعدارلاما شەڭبەرىندە اينالىم قاراجاتىن تولىقتىرۋ 500 ملن تەڭگەگە دەيىن ۇلعايتىلدى جانە جاڭارتىلاتىن نەگىزدە ۇسىنىلاتىن بولادى. بۇل رەتتە, ساۋدا قىزمەتىنىڭ سۋبەكتىلەرى ءۇشىن اينالىم قاراجاتىن تولىقتىرۋ 100 ملن تەڭگە. كەپىلدىك بەرۋ قۇرالى بويىنشا نەسيە سوماسى 1 ملرد تەڭگەگە دەيىن ۇلعايتىلدى, ول بويىنشا كەپىلدىك مولشەرى 50% - دان اسپايدى. بۇل رەتتە 360 ملن تەڭگەگە دەيىنگى نەسيەلەر قارىز سوماسىنىڭ 85% - ىنا دەيىن كەپىلدىكپەن جابىلادى, - دەدى ۆيتسە-مينيستر.
