ال, «قازپوشتا» اق وبلىستىق فيليال ديرەكتورى ەرىك ءالىپ ۇلىنىڭ ايتۋىنشا, فيليال وبلىستاعى 24 مىڭعا جۋىق زەينەتكەرگە قىزمەت كورسەتەدى.
زەينەتكەرلەردىڭ 7 مىڭى زەينەتاقىنى «قازپوشتا» اق كارتالارى ارقىلى السا, 5 مىڭعا جۋىق زەينەتكەرگە بولىمشە قىزمەتكەرلەرى ۇيگە دەيىن اپارىپ بەرۋدە.
ال, وبلىس ورتالىعىندا 800-دەن استام زەينەتكەر ءۇشىن ۇيدەن شىقپاي, زەينەتاقىلارىن الۋ ءۇشىن ءتيىستى جاعدايلار جاسالۋدا.
فيليال قىزمەتكەرلەرى زەينەتكەرلەرگە قوڭىراۋ شالىپ,توتەنشە جاعداي ۋاقىتىندا زەينەتاقىنى پوشتاعا كەلمەي الۋدىڭ جولدارىن ۇسىنۋدا. ءبىرىنشىسى – زەينەتاقى الۋشىنىڭ جەكە دەرەكتەرى ارقىلى «قازپوشتا» اق كارتاسىن اشۋ. كارتانى پوشتا قىزمەتكەرلەر 5-7 مينۋت ارالىعىندا دايىنداپ بەرەدى. كەيىن سول كارتا ارقىلى پوشتانىڭ نەمەسە «Halyk Bank» بانكىنىڭ بانكوماتتارىنان كەز كەلگەن ۋاقىتتا اقشاسىن كوميسسياسىز الا الادى. ەكىنشىسى, زەينەتاقىنى ۇيگە دەيىن اپارۋ. زەينەتكەردىڭ جەكە شوتىنا ءتيىستى اقشا تۇسكەن كۇنى اتالعان مەكەنجايىنا جەتكىزىپ بەرەدى.
-ارينە, بۇل ۇسىنىستارعا تۇسىنىستىكپەن قاراپ جاتقاندارى دا, باس تارتىپ, بۇرىنعىداي بولىمشەدەن كەلىپ العىسى كەلەتىندەر دە بار, - دەيدى ە.ءالىپ ۇلى.
سونىمەن قاتار زەينەتاقىنى ۇيگە دەيىن جەتكىزۋگە قاجەتتى قۇرالدار, قاجەتتى تەحنولوگيا دا بار. زەينەتاقى جەتكىزۋمەن اينالىساتىن مامانداردىڭ قاۋىپسىزدىگى ءۇشىن ارنايى كولىك پەن كۇزەت قاراستىرىلعان.
پاۆلودار
