رەسەي فەدەراتسياسىنىڭ ۆولگوگراد وبلىسىندا قازاقتار مەن شەشەندەر اراسىندا جۇزدەن استام ادامنىڭ قاتىسۋىمەن بولعالى تۇرعان جاپپاي توبەلەسىنىڭ الدى الىندى. بۇل تۋرالى «كۋرسيۆ» گازەتى جازدى.
وبلىستىق ىشكى ىستەر مەملەكەتتىك باسقارماسىنا پاللاسوۆكا قالاسى جانىنا توبەلەسۋ ءۇشىن جۇزدەن استام قازاقتار مەن شەشەندەردىڭ جينالىپ جاتقانى تۋرالى حابار جەتتى. وسىنىڭ ناتيجەسىندە قاقتىعىستىڭ الدىن الۋدىڭ رەتى كەلدى. ونى ۇيىمداستىرۋشى ءتورت ادام ۇستالدى. وقيعا بولعان جەرگە گۋبەرناتور مەن ايماقتىق ۇكىمەت باسشىلىعىنىڭ وكىلدەرى كەلدى.
شيەلەنىسكە 12 تامىز كۇنى بولعان جول-كولىك وقيعاسى سەبەپكەرلىك ەتكەن ەكەن. ۆاز-2106 كولىگىن ماس كۇيىندە ايداعان قازاق جىگىتى جولدىڭ جيگەنى قويىلعان شەشەن وعلانىنىڭ Volkswagen Golf كولىگىنە بارىپ سوعادى. پوليتسەيلەر قازاققا اكىمشىلىك حاتتاماسىن تولتىرىپ جىبەرەدى. ال جول-كولىك وقيعاسىنا قاتىستارى بار ەكەۋ ءبىر-بىرىمەن ۇرسىسىپ تارايدى.
ارادا ون كۇن وتكەننەن كەيىن شەشەن جىگىتىنىڭ تۋىستارى قازاق بالاسىنىڭ ۇيىنە كەلىپ, كەلتىرگەن شىعىنىن وتەۋدى تالاپ ەتەدى. سول كەزدە ارادا توبەلەس باستالىپ كەتەدى. سوڭىنان بۇل ۇرىسقا قاتىسۋشىلار قانداستارىن جيناي باستايدى.
سۇلتان بوزايعىر.
