رۋحانيات • 03 ءساۋىر، 2020

ەڭ مۇقتاج ازاماتتارعا 50 مىڭ تەڭگەدەن بولەدى

58 رەتكورسەتىلدى

«Birgemiz» قورى نۇر-سۇلتان جانە الماتى قالالارىنىڭ دارىگەرلەرىن قولداۋعا 100 ملن تەڭگەدەن استام قارجى باعىتتايدى. بۇل تۋرالى ەلباسى نۇرسۇلتان نازارباەۆتىڭ باستاماسىمەن كوروناۆيرۋسپەن كۇرەس جاعدايىندا حالىقتىڭ الەۋمەتتىك ءالسىز توپتارىنا قولداۋ كورسەتۋ ءۇشىن قۇرىلعان «Birgemiz» قوعامدىق قورىنىڭ قامقورشىلىق كەڭەسىنىڭ وتىرىسى بارىسىندا بەلگىلى بولدى.

قامقورشىلىق كەڭەستىڭ توراعاسى، Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك اتاپ وتكەندەي، باستاپقىدا قور قاراجاتىن 100 مىڭ مۇقتاج ازاماتقا تاراتۋ جوسپارلانعان. ايتسە دە، بۇگىندە وڭىرلەردەن تۇسكەن وتىنىشتەر سانى ايتارلىقتاي وسكەن، ال پارتيانىڭ ونلاين رەسۋرسىنا كومەك سۇراپ حابارلاسۋشىلار سانى – ەكى ەسەگە ارتقان.

«ەلباسى نۇرسۇلتان نازارباەۆ­­تىڭ تاپسىرماسى بويىنشا قور قاراجاتى قاراپايىم قازاقستاندىقتارعا اتاۋلى كومەك كورسەتۋگە جۇمسالادى. بۇل بەرى­لەتىن كومەكتىڭ ءاربىر جانعا دەربەس بەلگىلەنۋىن قامتاماسىز ەتەدى. مەملەكەت باسشىسى قاسىم-جومارت توقاەۆتىڭ باستاماسى­مەن قولعا الىنعان «Biz Birgemiz» اكتسياسىنىڭ اياسىندا قور حا­لىقتىڭ الەۋمەتتىك ءالسىز ساناتىنا كىرەتىن مۇقتاج جاندارعا 50 مىڭ تەڭگەدەن اۋدارادى. ءبىرىنشى كەزەڭدە قارجىلىق قولداۋدى 150 مىڭنان اسا مۇقتاج ازامات الادى، ول 7،6 ملرد تەڭگەنى قۇرايدى»، دەدى باۋىرجان بايبەك.

قور توراعاسى رۋسلان ساكەەۆتىڭ مالىمەتىنشە، ماتە­ريالدىق كومەك ەكىنشى دەڭگەي­دەگى بانكتەر ارقىلى جەكە تۇل­عالاردىڭ كارتوچكالارىنا نەمەسە اعىمداعى ەسەپشوتتارىنا
اۋدارۋ جولىمەن كورسەتىلەدى. قازىرگى ۋاقىتتا ماتەريالدىق كومەكتى اۋدارۋ كەزىندە ودان كوميسسيا الماۋ ماسەلەسى قاراستىرىلۋدا. سونىمەن بىرگە بۇل قاراجاتتىڭ كرەديتتەرى بويىنشا قارىزى بار ازاماتتاردىڭ بەرەشەگىن وتەۋ ءۇشىن ۇستالىپ قالماۋى دا پىسىقتالۋدا.

«ەشقايدا بارۋدىڭ، ەشقانداي ءوتىنىش جازۋدىڭ قاجەتى جوق. تاياۋ كۇندەردە اتالعان قاراجات وڭىرلىك قورلارعا
اۋدارىلىپ، ءارى قاراي ول ادامداردىڭ ەسەپشوتتارىنا تۇسەدى. بۇل ءۇشىن ءبىز الدىن الا بۇكىل وڭىرلەرمەن ءتيىستى مەموراندۋمدارعا قول قويعانبىز. ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇسىنىمدارىنىڭ نەگىزىندە كومەك قاراجاتتى الۋشىلاردىڭ 7 ساناتى بەكىتىلگەن. اكىمدەر اتالعان ساناتتار بويىنشا كومەك الۋشىلار ءتىزىمىن ۇسىندى. ولاردىڭ قاتارىندا تۇرمىسى تومەن كوپ بالالى وتباسىلار، مۇقتاج مۇگەدەكتەر، مۇگەدەك بالانى تاربيەلەپ وتىرعان وتباسىلار، ەڭ تومەنگى زەينەتاقى الىپ جۇرگەن جانە حالىقتىڭ الەۋمەتتىك ءالسىز توبىنا جاتاتىن زەينەتكەرلەر، جەتىم بالالار (تۇلدىر جەتىم بالالار مەن اسىراۋشىسىنىڭ بىرىنەن ايىرىلعان بالالار)، ۇلى وتان سوعىسىنا قاتىسۋشىلار مەن سولارعا تەڭەستىرىلگەندەر، تىل ەڭبەككەرلەرى بار. بۇل رەتتە اتالعان ءاربىر ساناتتا مۇقتاج جاندار دا، سونىمەن بىرگە كومەكتى قاجەت ەتپەيتىندەر دە بار ەكەنىن اتاپ وتكەن ءجون. سوندىقتان ءبىز ءتىزىمدى تىكەلەي جەرگىلىكتى جاع­دايدى جاقسى بىلەتىن اكىم­دىكتەردەن الدىق. اتالعان كومەك وبلىس ورتالىقتارى مەن كوروناۆيرۋس تارالۋ قاۋپى جوعارى ءىرى قالالاردىڭ تۇرعىندارىنا كورسەتىلەدى. وسى جايتتار ەسكەرىلە وتىرىپ، 23 قالا انىقتالدى»، دەدى رۋسلان ساكەەۆ.

ءماجىلىس بارىسىندا قوردىڭ قامقورشىلىق كەڭەسى نۇر-سۇلتان جانە الماتى قالالارىنىڭ ىن­دەتكە قارسى ءىس-شارالارعا تار­تىلعان 2 مىڭداي مەديتسينا قىز­مەتكەرىنە ماتەريالدىق قولداۋ كورسەتۋ ءۇشىن 100 ملن تەڭگە­دەن استام قاراجات ءبولۋ تۋ­رالى ۇسىنىستى قولدادى. تاياۋ ۋا­قىتتا قور باسشىلىعى قوس قا­لانىڭ اكىمدىكتەرىمەن بىر­لە­سىپ قاراجاتتى تاراتۋ تە­تىك­تەرىن تۇجىرىمدايدى جانە 50 مىڭ تەڭگە كولەمىندە بىر­جول­عى تولەم الاتىن مەديتسينا قىز­مەتكەرلەرىنىڭ ءتىزىمىن ازىرلەيدى.

جالپى، بۇگىنگى كۇنى «Bir­gemiz» قوعامدىق قورىنىڭ ەسەپشوتىنا 13،2 ملرد تەڭگەدەن استام قاراجات ءتۇستى. كۇنى كەشە قور ۇكىمەتتىك وپەراتور «سك-فارماتسيا» كومپانياسىمەن 5 ميلليون ماسكا ساتىپ الۋ تۋرالى شارتقا قول قويدى. بۇل ماسكالار نۇر-سۇلتان، الماتى جانە شىمكەنت قالالارى تۇر­عىندارىنىڭ الەۋمەتتىك جاعىنان ەڭ ءالسىز توپتارىنا تاراتىلادى. جيناقتالعان قاراجات تۋرالى اقپاراتتى جانە وڭىرلەر بويىنشا بولىنەتىن كومەكتى باقىلاپ وتىرۋ ءۇشىن قور birgemiz2020.kz رەسمي سايتىن ىسكە قوستى.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار