اتالعان كەڭەسكە اتىراۋ وبلىسىنىڭ اكىمى ماحامبەت دوسمۇحامبەتوۆ جانە اتىراۋ گارنيزونىنىڭ بارلىق اسكەري بولىمدەرىنىڭ كومانديرلەرى مەن مەكەمە باسشىلارى قاتىسىپ, 2019 جىلعى اتقارىلعان جۇمىستار مەن العا قويىلعان مىندەتتەر مەن ماسەلەلەر تالقىلاندى.
باتىس ايماعىنىڭ اسكەري پروكۋرورى نۇرلان ايتۋعانوۆ جينالعاندارعا گارنيزونداعى وزەكتى ماسەلەلەردى كوتەرىپ, كوپ جىلدان بەرى شەشىمىن تاپپاي كەلە جاتقان بىرقاتار پروبلەمالىق سۇراقتاردى وبلىس اكىمىنە جەتكىزدى.
ماسەلەن, قازاقستان رەسپۋبليكاسى قورعانىس مينيسترلىگىنە قاراستى «باتىس» وڭىرلىك اسكەرلەرى قولباسشىلىعىنىڭ زىمىراندى-ارتيلەريالىق قويماسىن قاۋىپسىز جەرگە كوشىرۋ, قاداعالاۋداعى اسكەري بولىمدەر مەن مەكەمەلەردە بوس ورىنداردىڭ كوپ ەكەندىگىن, وبلىس اۋداندارىندا قورعانىس ىستەرى جونىندەگى بولىمدەرىنىڭ عيماراتتارى مەن اسكەرگە شاقىرۋ پۋنكتتەرىن تۇرعىزۋ جانە مەملەكەتتىك شەكاراعا قاتىستى بىرقاتار ماسەلەلەردى ايتتى.
