قوعام • 02 ءساۋىر، 2020

«قازمۇنايگازدىڭ» ءبىر مۇنايشىسىنان كوروناۆيرۋس انىقتالدى

250 رەتكورسەتىلدى

«قازمۇنايگاز» ۇك اق  توتەنشە جاعداي رەجيمىن نازارعا الىپ جانە ءوز قىزمەتكەرلەرى مەن بارلىق مۇددەلى تاراپتارى الدىنداعى جاۋاپكەرشىلىگىن تۇسىنە وتىرىپ، سونداي-اق اشىقتىق پەن ايقىندىلىق قاعيداتتارىن ۇستانىپ، قمگ كومپانيالارى توبىنداعى كوروناۆيرۋسقا بايلانىستى جاعداي تۋرالى حابارلايدى.

كومپانيا الدىن الۋ ءىس-شارالار كەشەنىن جۇيەلى تۇردە ىسكە اسىرۋدا. جاعدايدى تۇراقتى قاداعالايتىن جەدەل شتاب قۇرىلدى جانە قمگ توبىنىڭ قىزمەتكەرلەرىن قورعاۋ ءۇشىن شۇعىل شارالار قابىلداندى. ەنشىلەس ۇيىمداردا قاتاڭ الدىن الۋ شارالارى قولعا الىندى. سونىڭ ىشىندە جوعارى تاۋەكەل ساناتىنا جاتقىزىلعان قىزمەتكەرلەردى ۇيدەن جۇمىس ىستەۋگە اۋىستىرۋ، قاشىقتىقتاعى جۇمىس ءتارتىبىن ەنگىزۋ، ءوندىرىس پەن جوبالارداعى قىزمەتكەرلەردىڭ ءبىر بولىگىن دەموبيليزاتسيالاۋ.

سونىمەن بىرگە، 2020 جىلعى 2 ساۋىردە اتىراۋ قالاسى بويىنشا تاۋارلار مەن كورسەتىلەتىن قىزمەتتەردىڭ قاۋىپسىزدىك ساپاسىن باقىلاۋ باسقارماسى جاساعان ساراپتاما قورىتىندىسى بويىنشا «اتىراۋ مۇناي وڭدەۋ زاۋىتى» جشس قىزمەتكەرىنىڭ كوروناۆيرۋستىق ينفەكتسيانى (COVID-19) جۇقتىرعانى راستالدى.

بۇل قىزمەتكەر 2020 جىلعى 28 ناۋرىزدا جۇمىستان تىس كەشكى ۋاقىتتا باسقا ناۋقاس اداممەن بايلانىستا بولۋ سالدارىنان ينفەكتسيانى جۇقتىرۋ ىقتيمالدىعى تۋرالى حابارلادى. ءبىزدىڭ ارىپتەسىمىز قولدانىستاعى ەرەجەلەردى باسشىلىققا الا وتىرىپ، 2020 جىلعى 29 ناۋرىزدا ءوزى وقشاۋلاندى. 2020 جىلعى 1 ساۋىردە بايلانىستا بولعان ادام كوروناۆيرۋستىق ينفەكتسياعا شالدىققانى راستالعاننان سوڭ ءاموز قىزمەتكەرىنەن ساراپتاما الىندى. ونىڭ ناتيجەلەرى بۇگىن بەلگىلى بولدى.

قمگ اتىراۋ مۇناي وڭدەۋ زاۋىتىنىڭ قىزمەتكەرى ءوز ارىپتەستەرىمەن بايلانىستا بولماعانىن ەرەكشە اتاپ كورسەتەدى. ول سوڭعى رەت جۇمىس ورنىندا 2020 جىلعى 28 ناۋرىزدا بولدى. اتىراۋ مۇناي وڭدەۋ زاۋىتىنىڭ باسشىلىعى بەكىتىلگەن راسىمدەرگە سايكەس ونىمەن بايلانىستا بولۋى مۇمكىن ادامداردى تەكسەرىپ جاتىر، مەملەكەتتىك ۋاكىلەتتى ورگاندارمەن ءوزارا تىعىز جۇمىس جاساۋدا، وبلىستىڭ سانيتارلىق-ەپيدەميولوگيالىق قىزمەتىمەن بىرلەسىپ سانيتارلىق-ەپيدەميولوگيالىق شارالارعا كىرىستى.

قازىرگى ۋاقىتتا ءاموز قالىپتى رەجيمدە جۇمىس جاساپ تۇر، مۇناي ونىمدەرىن ءوندىرۋ مەن جونەلتۋ بەكىتىلگەن وندىرىستىك جوسپارعا ساي جۇزەگە اسىرىلۋدا. ۇلتتىق كومپانيانىڭ باستى قۇندىلىعى مەن باسىمدىعى قىزمەتكەرلەرىنىڭ ءومىرى مەن دەنساۋلىعى، سونداي-اق قولايلى ءارى قاۋىپسىز ەڭبەك جاعدايلارىن جاساۋ مەن ۇزدىكسىز وندىرىستىك پروتسەستى قامتاماسىز ەتۋ بولىپ تابىلاتىنىن اتاپ كورسەتەمىز.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار