قوعام • 02 ءساۋىر، 2020

ەلوردادا əسكەري قىزمەتشىلەر دونورلىق قان قورىن تولىقتىردى

7 رەتكورسەتىلدى

بۇگىن اقمولا گارنيزونىنىڭ 100-دەن استام اسكەري قىزمەتشىسى دونورلىق قان تاپسىردى. قورعانىس مينيسترلىگى بولىمشەلەرىنىڭ وفيتسەرلەرى مەن كەلىسىم-شارت بويىنشا اسكەري قىزمەتشىلەرى ەلوردالىق قان ورتالىعىنىڭ ۇندەۋىن قولداپ، قورلاردى تولىقتىرۋعا كومەك كورسەتتى.

Əسكەري قىزمەتشىلەر قان تاپسىرۋ الدىندا بارلىعى قاجەتتى تەكسەرۋدەن ءوتىپ، قان توبىن انىقتاۋعا تالداۋ جاسالدى. دونورلىق اكتسيا بارىسىندا اسكەري قىزمەتشىلەر جالپى العاندا 45 ليترگە جۋىق قان تاپسىردى.

«بۇگىن مەن جانە مەنىڭ قارۋلاس قىزمەتتەستەرىم قان تاپسىردى. ءبىزدىڭ ەلىمىز وسىنداي جاعدايدا بولعاندا، ءبىز جاي عانا شەتتە قالماۋىمىز كەرەك. دونورلىق قانعا دەگەن قاجەتتىلىك ارقاشان، اسىرەسە دəل وسىنداي ۋاقىتتا كەرەكتىگىن بارلىعىمىز بىلەمىز. مۇمكىن مەنىڭ قانىم بىرەۋدى قۇتقارادى. مەن وسىلاي قولدان كەلگەنشە كومەكتەسكەنىمە قۋانىشتىمىن. ءبىزدىڭ اسكەرىمىز بەن حالقىمىز ءاردايىم ءبىرتۇتاس ەكەندىگىن ايتقىم كەلەدى»، دەيدى 55765 اسكەري ءبولىمىنىڭ اسكەري قىزمەتشىسى ازات جارقىمباي.

نۇر-سۇلتانداعى كارانتين رەجىمىنە بايلانىستى، ازاماتتاردىڭ قاۋىپسىزدىگىن ساقتاۋ جانە قان قورىنىڭ قىسقارۋىنا جول بەرمەۋ ءۇشىن قالالىق قان ورتالىعى دونورلاردى ۇيدەن ارنايى كولىكپەن الۋعا دايىن ەكەندىكتەرىن ايتتى.

ء«بىز كارانتيندىك رەجىمنەن قورىقپاي دونورلاردى شاقىردىق، قان قورىن تولتىرۋ ءۇشىن بارلىق دونورلاردى قامتۋعا تىرىستىق. ءبىرىنشى كەزەكتە قورعانىس مينيسترلىگى شاقىرتىلدى. بۇگىن بىزدە 100-دەن استام اسكەري قىزمەتشى قاتىسقان اكتسيا وتكىزىلدى»، دەيدى دونورلىق جيىن بولىمشەسىنىڭ مەڭگەرۋشىسى ەلميرا كوپەەۆا.

اسكەري قىزمەتشىلەر – تۇراقتى دونورلار. ارنايى اكتسيالار اياسىندا وفيتسەرلەر مەن سەرجانتتار ۇنەمى قان تاپسىرادى. ول ونكولوگيالىق ناۋقاستارعا، بوساناتىندار مەن ءتۇرلى جاراقات العان ادامدارعا كومەك كورسەتۋ ءۇشىن قاجەت، سوندىقتان دونورلىق قوردى ۇنەمى تولىقتىرۋ قاجەت.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار